டர்பன் டெஸ்டில் ஆஸ்திரேலியா முதல் இன்னிங்சில் 351 ரன்கள் சேர்ப்பு

தென்ஆப்பிரிக்கா - ஆஸ்திரேலியா இடையிலான முதல் டெஸ்ட் டர்பனில் நடைபெற்று வருகிறது. டேவிட் வார்னர் (51), கேப்டன் ஸ்மித் (56) ஆகியோரின் அரைசதத்தால் ஆஸ்திரேலியா நேற்றைய முதல் நாள் ஆட்டத்தில் 5 விக்கெட் இழப்பிற்கு 225 ரன்கள் எடுத்திருந்தது. மிட்செல் மார்ஷ் 32 ரன்னுடனும், பெய்ன் 21 ரன்னுடனும் களத்தில் இருந்தனர்.

இன்று 2-வது ஆட்டம் தொடங்கியது. ஆட்டம் தொடங்கியதும் மேலும் நான்கு ரன்கள் எடுத்து பெய்ன் 25 ரன்னில் ஆட்டமிழந்தார். அடுத்து வந்த கம்மின்ஸ் 3 ரன்னில் வெளியேறினார். 8-வது விக்கெட்டுக்கு மிட்செல் மார்ஷ் உடன் ஸ்டார்க் ஜோடி சேர்ந்தார். ஸ்டார்க் அதிரடி ஆட்டத்தை வெளிப்படுத்தினார். இவர் 25 பந்தில் 4 பவுண்டரி, 2 சிக்சருடன் 35 ரன்கள் குவித்து ஆட்டமிழந்தார். இந்த ஜோடி 8-வது விக்கெட்டுக்கு 49 ரன்கள் சேர்த்தது.


ஸ்டார்க்கை மிரட்டிய பவுன்சர்

ஸ்டார்க் ஆட்டமிழந்ததும், மிட்செல் மார்ஷ் அதிரடி ஆட்டத்தை வெளிப்படுத்தினார். அவரது ஆட்டத்தால் ஆஸ்திரேலியா 300 ரன்னைத் தாண்டியது. மிட்செல் மார்ஷ் சதத்தை நோக்கிச் சென்றார். ஆனால் 96 ரன்கள் எடுத்த நிலையில் பிலாண்டர் பந்தில் ஆட்டமிழந்தார். கடைசி விக்கெட்டாக லயன் 12 ரன்கள் எடுத்த நிலையில் ஆட்டமிழக்க ஆஸ்திரேலியா 110.4 ஓவரில் 351 ரன்கள் எடுத்து ஆல்அவுட் ஆனது.


சதத்தை தவறவிட்ட மிட்செல் மார்ஷ்

தென்ஆப்பிரிக்கா அணி சார்பில் சுழற்பந்து வீச்சாளர் மகாராஜ் 5 விக்கெட்டும், பிலாண்டர் 3 விக்கெட்ம், ரபாடா 2 விக்கெட்டும் வீழ்த்தினார்கள். #SAvAUS #MitchellMarsh