இத்தனை சிறிய அளவில், அத்தனை அம்சங்கள்- வெளிவரவுள்ள உலகின் மிகச்சிறிய கணினி

Apcsilmic நிறுவனம் உலகின் மிகச்சிரிய கணினியை அறிமுகம் செய்யவுள்ளது. பார்ப்பதற்கு வைஃபை ரவுட்டர் போல சிறிய அளவில் இருக்கும் இந்த கணினியில் Snapdragon 7c 8 core 2.4GHz பிராசஸர், விண்டோஸ் 11 ஓ.எஸ், 4ஜிபி+64ஜிபி, 6ஜிபி+128 ஜிபி, 8ஜிபி+256ஜிபி வேரியண்டில் மெமெரி, 2 ஹெச்.டி.எம்.ஐ போர்ட்டுகள், 2 யூ.எஸ்.பி 2.0 போர்ட்டுகள், 1 யூ.எஸ்.பி 3.0 போர்ட், 5வது ஜெனரேஷன் வைஃபை 4ஜி நெட்வொர்க் ஆகியவை வழங்கப்பட்டுள்ளன.

ஹோம் தியேட்டர், கேமிங், அலுவலக வேலைகள், டிஜிட்டல் ஆர்ட் உள்ளிட்ட கிராஃபிக்ஸ் வேலைகளை இதில் எளிதாகவும், வேகமாகவும் செய்யலாம் என தெரிவிக்கப்பட்டுள்ளது.

இந்த கணினியில் 2கே ரெஷலியூஷன் வழங்கப்பட்டுள்ளது. ஹெச்.டி.எம்.ஐ மூலம் 2 மானிட்டர்கள் இதில் இணைத்துகொள்ளலாம். அதிக மின்சாரத்தையும் இந்த கணினி பயன்படுத்தாது என்பதால் மின் தேவையும் குறையும் என கூறப்படுகிறது.

வரும் மார்ச் 31-ம் தேதி அறிமுகம் செய்யப்படவுள்ள இந்த மினி கணினியின் விலை குறித்து தகவல் இன்னும் அறிவிக்கப்படவில்லை.