search icon
என் மலர்tooltip icon

    தொழில்நுட்பச் செய்திகள்

    விண்டோஸ் 11
    X
    விண்டோஸ் 11

    புது அப்டேட் வெளியீடு - டார்க் மோட் வசதி பெற்ற நோட்பேட்

    விண்டோஸ் 11 அப்டேட் மூலம் மைக்ரோசாப்ட் நிறுவனம் தனது பிரபல நோட்பேட் செயலியில் டார்க் மோட் வசதியை வழங்கி இருக்கிறது.


    மைக்ரோசாப்ட் நிறுவனத்தின் புதிய விண்டோஸ் 11 ஓ.எஸ். அந்நிறுவனத்தின் முந்தைய ஓ.எஸ்.-ஐ விட முற்றிலும் வித்தியாசமாகவும், புதிதாகவும் காட்சியளிக்கிறது. ஓ.எஸ். வெளியீட்டை தொடர்ந்து விண்டோஸ் 11 இன்சைடர் பில்டு வெர்ஷன்களை மைக்ரோசாப்ட் உருவாக்கி வருகிறது.

    சமீபத்திய இன்சைடர் பில்டு வெர்ஷன் நோட்பேட் செயலியில் டார்க் மோட் வசதியை வழங்குகிறது. விண்டோஸ் 11 கணினியில் டார்க் மோட் ஆக்டிவேட் ஆகி இருப்பின், நோட்பேட் செயலியை திறந்தால் தானாக அது டார்க் மோடில் இயங்கும். இத்துடன் நோட்பேட் செயலியின் ரைட் க்ளிக் மெனுவில் ஃபைண்ட் அண்ட் ரீப்ளேஸ் அம்சம் வழங்கப்படுகிறது.

     நோட்பேட் டார்க் மோட்

    செயலியை தொடர்ந்து மிக எளிமையான ஒன்றாகவே வழங்க மைக்ரோசாப்ட் திட்டமிட்டு இருக்கிறது. இதன் காரணமாக நோட்பேட் செயலியில் அதிகளவு மாற்றங்களை ஏற்படுத்தவில்லை. மாறாக பெருமளவு அம்சங்கள் நிறைந்த டெக்ஸ்ட் எடிட்டர் தேவைப்படும் பட்சத்தில் மைக்ரோசாப்ட் வொர்ட் செயலியை பயன்படுத்தலாம்.
    Next Story
    ×