இந்திய கேமிங் சந்தையில் பப்ஜி மொபைல் மீண்டும் வெளியாக இருப்பது பயனர்கள் மீது அதிக எதிர்பார்ப்பை ஏற்படுத்தி இருக்கிறது. இதுவரை இந்த கேமின் சரியான வெளியீட்டு தேதி அறிவிக்கப்படவில்லை. எனினும், இந்த கேம் விரைவில் வெளியாகலாம் என்ற வாக்கில் தொடர்ந்து தகவல்கள் வெளியாகி வருகின்றன.
பப்ஜி மொபைல் இந்தியாவில் மீண்டும் வெளியிட கேமர்களின் தரவுகளை மைக்ரோசாப்ட் அஸ்யூர் பிளாட்பார்மில் இந்திய எல்லைக்குள் சேமிக்கப்பட இருக்கின்றன. இதன் காரணமாக பலர் பப்ஜி மொபைல் இந்திய வெளியீட்டு தேதியை மைக்ரோசாப்ட் நிறுவனத்திடம் கேட்க தொடங்கினர்.
சிலர் மைக்ரோசாப்ட் அஸ்யூர் சமூக வலைதள பக்கங்களை டேக் செய்து இதே கேள்வியை எழுப்பினர். பயனர் கேள்விகளுக்கு பதில் அளிக்கும் வகையில், மைக்ரோசாப்ட் அஸ்யூர் - பப்ஜி மொபைல் இந்திய வெளியீட்டிற்கு இதுவரை சரியான தேதி குறிக்கப்படவில்லை என தெரிவித்து இருக்கிறது.
மேலும் இந்த கேம் வெளியீட்டு விவரங்களை பப்ஜி மொபைல் இந்தியா பிரத்யேக வலைதளத்தில் அறிந்து கொள்ள முடியும் என்றும் மைக்ரோசாப்ட் அஸ்யூர் தெரிவித்து உள்ளது.
