வோடபோன் ஐடியாவின் ஒருங்கிணைந்த பிராண்டு வி புதிய பிரீபெயிட் சலுகையை அறிவித்து இருக்கிறது. ரூ. 351 விலையில் கிடைக்கும் புதிய சலுகை வொர்க் ஃபிரம் ஹோம் பிரிவில் பட்டியலிடப்பட்டு உள்ளது. இத்துடன் ரூ. 29 சலுகையை மேலும் சில வட்டாரங்களில் வழங்குகிறது.
பலன்களை பொருத்தவரை புதிய ரூ. 351 பிரீபெயிட் சலுகையில் 100 ஜிபி அதிவேக டேட்டா 56 நாட்களுக்கு வழங்கப்படுகிறது. இதைவிட குறைந்த விலையில் கிடைக்கும் ரூ. 251 சலுகையில் 50 ஜிபி டேட்டா 28 நாட்களுக்கு வழங்கப்படுகிறது.
புதிய சலுகை வொர்க் ஃபிரம் ஹோம் பிரிவில் கிடைப்பதால், இதில் வாய்ஸ் கால் பலன்கள் எதுவும் வழங்கப்படவில்லை. அந்த வகையில் இந்த சலுகை ஆட்-ஆன் பேக் போன்று வழங்கப்படுகிறது. முதற்கட்டமாக இந்த சலுகை ஆந்திர பிரதேசம், டெல்லி, குஜராத், கேரளா மற்றும் மத்திய பிரதேசம் போன்ற வட்டாரங்களில் வழங்கப்படுகிறது.
இதே சலுகை விரைவில் மற்ற வட்டாரங்களிலும் நீட்டிக்கப்படலாம் என எதிர்பார்க்கப்படுகிறது. வி ரூ. 29 விலை சலுகையில் 100 எம்பி டேட்டா, ரூ.15 டாக்டைம் உள்ளிட்டவை 14 நாட்களுக்கு வழங்கப்படுகிறது. இதில் வாய்ஸ் கால் கட்டணம் நொடிக்கு ரூ. 2.5 பைசா என நிர்ணயம் செய்யப்பட்டு உள்ளது.
