ஹூவாமி நிறுவனத்தின் அமேஸ்ஃபிட் டி-ரெக்ஸ் ஸ்மார்ட்வாட்ச் மாடலுக்கான முன்பதிவு ஜூன் 7 ஆம் தேதி துவங்கும் என தெரிவிக்கப்பட்டு இருக்கிறது. இதற்கென அமேசான் தளத்தில் பிரத்யேக வலைப்பக்கம் உருவாக்கப்பட்டுள்ளது.
வலைதள விவரங்களின்படி புதிய டி-ரெக்ஸ் ஸ்மார்ட்வாட்ச் விவரங்கள் இடம்பெற்றுள்ளது. அதன்படி புதிய ஸ்மார்ட்வாட்ச்சில் AMOLED டிஸ்ப்ளே, 20 நாட்கள் பேட்டரி பேக்கப் மற்றும் 12 ராணுவ சான்றுகளை பெற்று இருக்கிறது. புதிய அமேஸ்ஃபிட் டி-ரெக்ஸ் விற்பனை தேதி இன்னும் அறிவிக்கப்படவில்லை.
அமேஸ்ஃபிட் டி-ரெக்ஸ் சிறப்பம்சங்கள்: - 1.3 இன்ச் 360x360 பிக்சல் AMOLED டிஸ்ப்ளே
- கார்னிங் கொரில்லா கிளாஸ் 3
- இதய துடிப்பு சென்சார்
- 3 ஆக்சிஸ் அக்செல்லோமீட்டர், ஜியோமேக்னெடிக் சென்சார், ஆம்பியன்ட் லைட் சென்சார்
- ப்ளூடூத் 5, ஜிபிஎஸ், GLONASS
- 390mAh பேட்டரி
- 14 ஸ்போர்ட்ஸ் மோட்
- 5ATM வாட்டர் ரெசிஸ்டண்ட்
- MIL-STD-810G சான்று
அமேசான் தள விவரங்களின் படி அமேஸ்ஃபிட் டி-ரெக்ஸ் ஸ்மார்ட்வாட்ச் விலை ரூ. 9,999 என நிர்ணயம் செய்யப்பட்டுள்ளது. இதன் முன்பதிவு நாளை (ஜூன் 7) துவங்குகிறது. முன்னதாக ஜனவரி மாதம் நடைபெற்ற சர்வதேச நுகர்வோர் மின்சாதன விழாவில் அமேஸ்ஃபிட் டி-ரெக்ஸ் ஆஷ், பிளாக், கமோஃபிளேஜ், கிரீன் மற்றும் காக்கி என ஐந்து நிறங்களில் அறிமுகம் செய்யப்பட்டது.
