சியோமி நிறுவனம் இந்தியாவில் புதிய ஆடியோ சார்ந்த சாதனத்தை பிப்ரவரி 17-ம் தேதி அறிமுகம் செய்ய இருக்கிறது. பெரும்பாலும் இந்த சாதனம் போர்ட்டபிள் ஸ்மார்ட் ஸ்பீக்கராக இருக்கும் என சியோமி வெளியிட்டுள்ள டீசர்களின் மூலம் தெரியவந்துள்ளது.
புதிய சாதனம் பற்றிய தகவல்கள் ரகசியமாக வைக்கப்பட்டுள்ள நிலையில், சியோமி டீசர்களுடன் #CarryYourSound எனும் ஹேஷ்டேக் இடம்பெற்று இருப்பதை கொண்டு இது ஸ்மார்ட் ஸ்பீக்கராக இருக்கும் என்பதை உணர்த்துகிறது. மேலும் டீசரில் உள்ள புகைப்படம் ஸ்பீக்கர் போன்ற வரைபடம் கொண்டிருக்கிறது.
அந்த வகையில் புதிய சாதனம் போர்ட்டபில் ஸ்பீக்கராக இருக்கும் என தெரிகிறது. புதிய சாதனம் பற்றி சியோமி வெளியிட்டுள்ள வீடியோ டீசரில் இதில் ஸ்மார்ட் வாய்ஸ் அசிஸ்டண்ட் வசதி வழங்கப்படலாம் என்பதை உணர்த்துகிறது.
முன்னதாக சியோமியின் ரெட்மி பிராண்டு இந்தியாவில் ரெட்மி 8ஏ டூயல், 10,000 மற்றும் 20,000 எம்.ஏ.ஹெச். பவர் பேங்க் சாதனங்களை வெளியிட்டது. இதைத் தொடர்ந்து சியோமியின் புதிய ஆடியோ சாதனம் இந்திய சந்தையில் வெளியிடப்பட இருக்கிறது.
