search icon
என் மலர்tooltip icon

    தொழில்நுட்பம்

    15 மாதங்களில் இருபது லட்சம் டி.வி.க்களை விற்பனை செய்த சியோமி
    X

    15 மாதங்களில் இருபது லட்சம் டி.வி.க்களை விற்பனை செய்த சியோமி

    சியோமி நிறுவனம் இந்தியாவில் 15 மாதங்களில் சுமார் இருபது லட்சம் Mi டி.வி. மாடல்களை விற்பனை செய்துள்ளது.



    சியோமி நிறுவனம் இந்தியாவில் ஸ்மார்ட் டி.வி.க்களை விற்பனை செய்ய துவங்கியதில் இருந்து இதுவரை சுமார் இருபது லட்சத்திற்கும் அதிக Mi டி.வி. மாடல்களை விற்பனை செய்திருப்பதாக அறிவித்துள்ளது.



    இந்தியாவில் சியோமி தனது Mi டி.வி.க்களை கடந்த ஆண்டு பிப்ரவரி மாதத்தில் அறிமுகம் செய்தது. சியோமியின் முதல் டி.வி. 55-இன்ச் Mi டி.வி. 4 என்ற பெயரில் அறிமுகமானது. சியோமியின் Mi டி.வி. மாடல்கள் ப்ளிப்கார்ட், Mi அதிகாரப்பூர்வ வலைதளம் மற்றும் Mi ஹோம் ஸ்டோர் உள்ளிட்டவற்றில் விற்பனை செய்யப்படுகிறது.



    ஸ்மார்ட் டி.வி.க்கள் மட்டுமின்றி சியோமி நிறுவனம் மொபைல் அக்சஸரிகள், ஸ்மார்ட் ஹோம் சாதனங்கள், அணியக்கூடிய சாதனங்கள் மற்றும் பல்வேறு மின்சாதனங்களை விற்பனை செய்து வருகிறது. இந்தியாவில் 15 மாதங்களில் சியோமி நிறுவனம் சுமார் 20 லட்சம் Mi டி.வி. மாடல்களை விற்பனை செய்திருக்கிறது. 

    Mi எல்.இ.டி. டி.வி. 4ஏ ப்ரோ 43, Mi எல்.இ.டி. ஸ்மார்ட் டி.வி. 4ஏ 43, Mi எல்.இ.டி. டி.வி. 4ஏ ப்ரோ 32 மற்றும் Mi எல்.இ.டி. டி.வி. 4சி ப்ரோ 32 உள்ளிட்டவை சியோமியின் பிரபல டி.வி. மாடல்களாக இருக்கின்றன. இந்தியாவில் சியோமி நிறுவனம் தற்சமயம் எட்டு Mi டி.வி. மாடல்களை விற்பனை செய்து வருகிறது.
    Next Story
    ×