சியோமி நிறுவனம் தனது ரெட்மி நோட் 6 ப்ரோ ஸ்மார்ட்போனினை இந்தியாவில் கடந்த ஆண்டு நவம்பர் மாதம் அறிமுகம் செய்தது. அனைவரும் வாங்கக்கூடிய விலையில் அறிமுகமான ரெட்மி நோட் 6 ப்ரோ இந்திய சந்தையில் கணிசமான விற்பனையை பதிவு செய்து வருகிறது.
இந்நிலையில், ரெட்மி நோட் 6 ப்ரோ வாங்குவோருக்கு பிப்ரவரி 26 முதல் பிப்ரவரி 28 ஆம் தேதி வரை சிறப்பு சலுகை விற்பனை அறிவிக்கப்பட்டுள்ளது. இதில் ரெட்மி நோட் 6 ப்ரோ ஸ்மார்ட்போனின் விலை குறைக்கப்பட்டிருக்கிறது.
இந்தியாவில் ரெட்மி நோட் 6 ப்ரோ ஸ்மார்ட்போன் இருவித வேரியண்ட்களில் விற்பனை செய்யப்படுகிறது. இதன் பேஸ் வேரியண்ட் 4 ஜி.பி. ரேம், 64 ஜி.பி. மெமரியும், மற்றொரு வேரியண்ட் 6 ஜி.பி. ரேம், 64 ஜி.பி. மெமரி கொண்டிருக்கிறது. இவற்றின் விலை முறையே ரூ.13,999 மற்றும் ரூ.15,999 என நிர்ணயம் செய்யப்பட்டுள்ளது.
தற்சமயம் சியோமி அறிவித்திருக்கும் சிறப்பு விற்பனையில் ரெட்மி நோட் 6 ப்ரோ ஸ்மார்ட்போனிற்கு ரூ.2,000 தள்ளுபடி அறிவிக்கப்பட்டுள்ளது. இந்த சலுகை ப்ளிப்கார்ட் மற்றும் Mi அதிகாரப்பூர்வ வலைதளங்களில் கிடைக்கிறது. இதற்கான அதிகாரப்பூர்வ அறிவிப்பினை சியோமி தனது ட்விட்டர் பக்கத்தில் அறிவித்திருக்கிறது.
இதனால் ரெட்மி நோட் 6 ப்ரோ ஸ்மார்ட்போனின் பேஸ் வேரியண்ட் தற்சமயம் ரூ.11,999 மற்றும் உயர்-ரக வேரியண்ட் ரூ.13,999 விலையில் விற்பனை செய்யப்படுகிறது. விலை குறைப்பு மட்டுமின்றி ப்ளிப்கார்ட் சார்பில் எளிய மாத தவணை முறை வசதியும், ரூ.11,950 வரை எக்சேஞ் சலுகையும் வழங்கப்படுகிறது.
சியோமி ரெட்மி நோட் 6 ப்ரோ சிறப்பம்சங்கள்:
- 6.26 இன்ச் 2280x1080 பிக்சல் ஃபுல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 636 14nm பிராசஸர்
- அட்ரினோ 509 GPU
- 4 ஜிபி ரேம்
- 64 ஜிபி மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் MIUI
- ஹைப்ரிட் டூயல் சிம்
- 12 எம்.பி. பிரைமரி கேமரா, டூயல்-டோன் எல்.இ.டி. ஃபிளாஷ், f/1.9, 1.4μm பிக்சல், டூயல் பிடி ஃபோக்கஸ், EIS
- 5 எம்.பி. இரண்டாவது பிரைமரி கேமரா
- 20 எம்.பி. செல்ஃபி கேமரா, சோனி IMX376 சென்சார், f/2.0
- 2 எம்.பி. இரண்டாவது பிரைமரி கேமரா
- கைரேகை சென்சார், இன்ஃப்ராரெட் சென்சார்
- டூயல் 4ஜி வோல்ட்இ, வைபை, ப்ளூடூத்
- 4000 எம்.ஏ.ஹெச். பேட்டரி
சியோமி ரெட்மி நோட் 6 ப்ரோ பிளாக், புளு மற்றும் ரோஸ் கோல்டு நிறங்களில் கிடைக்கிறது.
