சியோமியின் போகோ எஃப்1 ஆர்மர்டு எடிஷன் வேரியன்ட் இந்தியாவில் வெளியிடப்பட்டது. புதிய ஸ்மார்ட்போனில் 6 ஜி.பி. ரேம், 128 ஜி.பி. மெமரி வழங்கப்பட்டுள்ளது. இதன் விற்பனை நாளை (டிசம்பர் 26 ஆம் தேதி) துவங்குகிறது. போகோ எஃப்1 ஆர்மர்டு எடிஷன் ஸ்மார்ட்போனில் முன்னதாக 8 ஜி.பி. ரேம், 256 ஜி.பி. மெமரி வழங்கப்பட்டிருந்தது.
போகோ எஃப்1 ஆர்மர்டு எடிஷனின் பின்புறம் கெவ்லர் பேக் பேனல் மற்றும் மேட் ஃபினிஷ் செய்யப்பட்டுள்ளது. சமீபத்தில் போகோ எஃப்1 ஸ்மார்ட்போனின் விலை குறைக்கப்பட்டு, விரைவில் புதிய அறிவிப்பு வெளியாகும் என சியோமி தெரிவித்திருந்தது. அந்த வகையில் புதிய ஸ்மார்ட்போன் இந்தியாவில் வெளியிடப்பட்டது.
போகோ எஃப்1 சிறப்பம்சங்கள்:
- 6.18 இன்ச் 2246x1080 பிக்சல் ஃபுல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே
- ஆக்டா-கோர் குவால்காம் ஸ்னாப்டிராகன் 845 சிப்செட்
- அட்ரினோ 630 GPU
- 4 ஜிபி / 6 ஜிபி / 8 ஜிபி ரேம்
- 64 ஜிபி / 128 ஜிபி / 256 ஜிபி (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் MIUI 9
- ஹைப்ரிட் டூயல் சிம் ஸ்லாட்
- 12 எம்பி பிரைமரி கேமரா, டூயல் எல்.இ.டி. ஃபிளாஷ், 1.4μm பிக்சல், சோனி IMX363 சென்சார்
- 5 எம்பி இரண்டாவது பிரைமரி கேமரா, சாம்சங் சென்சார்
- 20 எம்பி செல்ஃபி கேமரா, எல்.இ.டி. ஃபிளாஷ்
- கைரேகை சென்சார், ஐ.ஆர். ஃபேஸ் அன்லாக்
- 3.5 எம்.எம். ஆடியோ ஜாக், டிராக் ஹெச்.டி., டூயல் ஸ்மார்ட் PA
- டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 4000 எம்.ஏ.ஹெச். பேட்டரி
- குவால்காம் க்விக் சார்ஜ் 3.0 ஃபாஸ்ட் சார்ஜிங்
போகோ எஃப்1 ஆர்மர்டு எடிஷன் 6 ஜி.பி. ரேம், 128 ஜி.பி. மெமரி மாடலின் விலை ரூ.23,999 என நிர்ணயம் செய்யப்பட்டுள்ளது. போகோ எஃப்1 ஆர்மர்டு எடிஷன் 8 ஜி.பி. ரேம், 256 ஜி.பி. மெமரி மாடல் ஏற்கனவே ரூ.29,999 விலையில் வெளியிடப்பட்டது.
போகோ இந்தியா அதிகாரப்பூர்வ ட்விட்டர் பக்கத்தின் படி புதிய ஆர்மர்டு எடிஷன் போகோ எஃப்1 விற்பனை டிசம்பர் 26 ஆம் தேதி அதிகாலை 00.01 மணிக்கு நடைபெறும் என துவங்கப்பட்டுள்ளது.
