விவோ நிறுவனம் தனது ஃபிளாக்ஷிப் நெக்ஸ் சீரிஸ்-இல் புது ஸ்மார்ட்போனினை டூயல் டிஸ்ப்ளேவுடன் அறிமுகம் செய்தது. புது நெக்ஸ் ஸ்மார்ட்போனில் 6.39 இன்ச் ஃபுல் ஹெச்.டி. பிளஸ் சூப்பர் AMOLED ஸ்கிரீன் மற்றும் பின்புறம் 5.49 இன்ச் FHD ரெசல்யூஷன் கொண்ட இரண்டாவது டிஸ்ப்ளே கொண்டுள்ளது.
புது நெக்ஸ் ஸ்மார்ட்போனில் ஸ்னாப்டிராகன் 845 பிராசஸர், 10 ஜி.பி. ரேம், ஆண்ட்ராய்டு 9.0 பை சார்ந்த ஃபன்டச் ஓ.எஸ். 4.5 இயங்குதளம் கொண்டு இயங்குகிறது. இத்துடன் புகைப்படங்களை எடுக்க 12 எம்.பி. பிரைமரி கேமரா, சோனி IMX363 சென்சார், 4-ஆக்சிஸ் OIS, 2 எம்.பி. நைட்விஷன் கேமரா, 2.9μm பிக்சல், 3D சென்சிங் வசதியுடன் வழங்கப்படுகிறது.
புதிய நெக்ஸ் ஸ்மார்ட்போனில் இன்-டிஸ்ப்ளே கைரேகை சென்சார் வழங்கப்பட்டு இருக்கிறது. இந்த கைரேகை சென்சார் முந்தைய நெக்ஸ் ஸ்மார்ட்போனில் இருப்பதை விட 0.29 நொடிகளில் ஸ்மார்ட்போனை அன்லாக் செய்யும் என விவோ தெரிவித்துள்ளது. இத்துடன் 3500 எம்.ஏ.ஹெச். பேட்டரி, 22.5 வாட் ஃபாஸ்ட் சார்ஜிங் வசதி வழங்கப்பட்டுள்ளது.
விவோ நெக்ஸ் டூயல் ஸ்கிரீன் சிறப்பம்சங்கள்:
- 6.39 இன்ச் 2340x1080 பிக்சல் ஃபுல் ஹெச்.டி. பிளஸ் சூப்பர் AMOLED 19:5:9 டிஸ்ப்ளே
- 5.49 இன்ச் 1920x1080 பிக்சல் ஃபுல் ஹெச்.டி. பிளஸ் சூப்பர் AMOLED டிஸ்ப்ளே
- 2.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 845 64-பிட் 10 என்.எம். பிராசஸர்
- அட்ரினோ 630 GPU
- 10 ஜி.பி. ரேம்
- 128 ஜி.பி. மெமரி
- டூயல் சிம் ஸ்லாட்
- ஃபன்டச் ஓ.எஸ். 4.35 சார்ந்த ஆண்ட்ராய்டு 9.0 பை
- 12 எம்.பி. டூயல் பி.டி. பிரைமரி கேமரா, டூயல்-டோன் எல்.இ.டி. ஃபிளாஷ், சோனி IMX363 சென்சார், f/1.79
- 2 எம்.பி. நைட்விஷன் கேமரா, f/1.8, 2.9μm பிக்சல், 3D TOF கேமரா, f/1.3
- இன்-டிஸ்ப்ளே கைரேகை சென்சார்
- 3.5 எம்.எம். ஆடியோ ஜாக், AK-4377A ஆம்ப்ளிஃபையர்
- டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3500 எம்.ஏ.ஹெச். பேட்டரி
- 22.5 வாட் ஃபாஸ்ட் சார்ஜிங்
விவோ நெக்ஸ் டூயல் ஸ்கிரீன் போன் ஐஸ் புளு, ஸ்டார் பர்ப்பிள் உள்ளிட்ட நிறங்களில் கிரேடியன்ட் ஃபினிஷ் செய்யப்பட்டுள்ளது. இதன் விலை 4998 யுவான் (இந்திய மதிப்பில் ரூ.52,080) என நிர்ணயம் செய்யப்பட்டுள்ளது. சீனாவில் விவோ நெக்ஸ் டூயல் ஸ்கிரீன் ஸ்மார்ட்போன் டிசம்பர் 29ம் தேதி முதல் விற்பனை செய்யப்பட இருக்கிறது.
