ஒப்போ நிறுவனம் இந்திய சந்தையில் தேர்வு செய்யப்பட்ட தனது ஸ்மார்ட்போன் மாடல்களுக்கு அசத்தல் விலை குறைப்பு அறிவித்து இருக்கிறது. அதன்படி ஒப்போ F21 ப்ரோ, ஒப்போ ஏ55 மற்றும் ஒப்போ ஏ77 போன்ற மாடல்களின் விலை இந்தியாவில் குறைக்கப்பட்டு இருக்கிறது. ஒப்போ இந்தியா அதிகாரப்பூர்வ வலைதளத்தில் குறைக்கப்பட்ட புது விலை ஏற்கனவே மாற்றப்பட்டு விட்டது.
அதன்படி ஒப்போ F21 ப்ரோ மற்றும் ஒப்போ ஏ55 ஸ்மார்ட்போன்களின் விலை ரூ. 1000 குறைக்கப்பட்டு இருக்கிறது. இதே போன்று ஒப்போ ஏ77 ஸ்மார்ட்போன் ரூ. 15 ஆயிரத்து 999 விலையில் விற்பனைக்கு கிடைக்கிறது. ஒப்போ F21 ப்ரோ 8 ஜிபி ரேம், 128 ஜிபி மெமரி மாடல் தற்போது ரூ. 21 ஆயிரத்து 999 விலையில் கிடைக்கிறது.
ஒப்போ ஏ55 ஸ்மார்ட்போன் ரூ. 14 ஆயிரத்து 999 விலையில் கிடைக்கிறது. இதே போன்று ஒப்போ ஏ77 ஸ்மார்ட்போனின் 4 ஜிபி ரேம், 128 ஜிபி மெமரி மாடல் ரூ. 15 ஆயிரத்து 999 விலையில் விற்பனை செய்யப்படுகிறது. அம்சங்களை பொருத்தவரை ஒப்போ ஏ55 மாடலில் 6.55 இன்ச் டிஸ்ப்ளே, 60Hz ரிப்ரெஷ் ரேட், மீடியாடெக் ஹீலியோ ஜி35 பிராசஸர், 50MP பிரைமரி கேமரா, 2MP டெப்த் கேமரா, 5000 எம்ஏஹெச் பேட்டரி, 18 வாட் பாஸ்ட் சார்ஜிங் வசதி உள்ளது.
ஒப்போ F21 ப்ரோ மாடலில் 6.43 இன்ச் FHD+ AMOLED டிஸ்ப்ளே, 90Hz ரிப்ரெஷ் ரேட், ஸ்னாப்டிராகன் 680 பிராசஸர், 64MP பிரைமரி கேமரா, 2MP இரண்டாவது சென்சார், 2MP மோனோக்ரோம் லென்ஸ் வழங்கப்பட்டு இருக்கிறது. இத்துடன் 4500 எம்ஏஹெச் பேட்டரி மற்றும் 33 வாட் பாஸ்ட் சார்ஜிங் வசதி வழங்கப்பட்டு உள்ளது.
