நீங்கள் தேடியது "Rajasthan Horse"

ஈரோடு மாவட்டம் அந்தியூரில் உள்ள பிரசித்தி பெற்ற குருநாதசாமி கோவில் தேர்த்திருவிழா இன்று தொடங்கி 12 ம் தேதி வரை நான்கு நாட்கள் நடக்கிறது. இதில் மாநில அளவில் மாடு, குதிரைகள், அரிய இன வகை கால்நடைகள் கால்நடை சந்தைக்கு விற்பனைக்காக வந்துள்ளது. இதில் ராஜஸ்தான் மாநிலம் ஜெயப்பூர் பகுதியில் குதிரைகளுக்கு காலண்டர்ஸ் என்னும் வைரஸ் நோய் தாக்குதல் உறுதி செய்யப்பட்டுள்ளது.

இதனால் ராஜஸ்தான் குதிரைகளுக்கு காலண்டர்ஸ் வைரஸ் நோய் தாக்குதல் இருப்பதாலும், இது மனிதர்களுக்கும் பரவும் அபாயம் உள்ளதால் அந்தியூர் குதிரை சந்தையில் அனுமதி இல்லை என ஈரோடு மாவட்ட கால்நடை பராமரிப்புத்துறை மண்டல இணை இயக்குனர் வி.பழனிவேல் வெளியிட்டுள்ள செய்தி குறிப்பில் கூறியுள்ளார்.

மேலும் அந்தியூர் குருநாதசாமி கோவில் கால்நடை சந்தைக்கு வரும் குதிரைகள் முறைப்படி பரிசோதனை செய்யப்பட வேண்டும் எனவும் அறிவுறுத்தியுள்ளார்.