நீங்கள் தேடியது "Manu Attri"

உலக சாம்பியன்ஷிப் பேட்மிண்டன் தொடர் சீனாவில் உள்ள நான்ஜிங் நகரில் இன்று தொடங்கியது. ஆண்களுக்கான ஒற்றையர் பிரிவின் முதல் சுற்றில் இந்திய வீரர் எச் எஸ் பிரணாய் நியூசிலாந்தின் அபிநவ் மனோட்டாவை எதிர்கொண்டார். இதில் பிரணாய் 21-12, 21-11 என நேர்செட் கணக்கில் வெற்றி பெற்று 2-வது சுற்றுக்கு முன்னேறினார்.

ஆண்களுக்கான இரட்டையர் பிரிவில் மானு ஆத்ரி - பி சுமீத் ரெட்டி ஜோடி பல்கேரியா ஜோடியை எதிர்கொண்டது. இதில் இந்திய ஜோடி 21-13, 21-18 என நேர்செட் கணக்கில் வெற்றி பெற்று 2-வது சுற்றுக்கு முன்னேறியது.



ஆனால் பெண்களுக்கான இரட்டையர் பிரிவில் சன்யோகிதா - பிரஜக்தா சவாந்த் ஜோடி துருக்கி ஜோடியிடம் 20-22, 14-21 என தோல்வியடைந்து வெளியேறியது.

தாய்லாந்து ஓபன் பேட்மிண்டன் தொடரில் இந்திய ஜோடியான மானு ஆத்ரி - சுமீத் ரெட்டி உலகின் 12-ம் இடத்திலும், இந்த தொடருக்கான 4-ம் தரவரிசையில் இருக்கும் ஹுங் லிங் சென் - சி-லின் வாங் ஜோடியை எதிர்கொண்டது.

முதல் செட்டை 21-18 என இந்திய ஜோடி கைப்பற்றியது. ஆனால், 2-வது செட்டை 15-21 என இழந்தது. அதன்பின் வெற்றியை தீர்மானிக்கும் 3-வது சுற்றில் சிறப்பாக விளையாடிய இந்திய ஜோடி, 21-17 என கைப்பற்றியது. இதன்மூலம் ஹுங் லிங் சென் - சி-லின் வாங் ஜோடியை வீழ்த்தி காலிறுதிக்கு முந்தைய சுற்றிற்கு முன்னேறியுள்ளது.



ஒற்றையர் பிரிவில் சமீர் வர்மா முதல் சுற்றில் தோல்வியடைந்தார். பிரணாய், காஷ்யப் காலிறுதிக்கு முந்தைய சுற்றிற்கு முன்னேறியுள்ளனர்.

பெண்களுக்கான ஒற்றையர் பிரிவில் பிவி சிந்து முதல் சுற்றில் வெற்றி பெற்றுள்ளார்.