கவச்சம் படத்தின் டிரைலர் வெளியீட்டு விழாவில் மேடையில் வைத்து காஜல் அகர்வாலுக்கு முத்தம் கொடுத்ததற்கு ரசிகர்கள் எதிர்ப்பு தெரிவித்த நிலையில், ஒளிப்பதிவாளர் சோட்டா காஜல் ரசிகர்களை சமாதானப்படுத்தியுள்ளார். #KajalAggarwal #BanChotaKNaidu
கவச்சம் என்ற தெலுங்கு படத்தின் விளம்பர நிகழ்ச்சியில் காஜலை அந்த படத்தின் ஒளிப்பதிவாளர் சோட்டா நாயுடு முத்தமிட்டது சர்ச்சையானது. குறிப்பாக காஜல் அகர்வாலின் ரசிகர்கள் இனி சோட்டா நாயுடுவுக்கு வாய்ப்பே தரக்கூடாது என்று சமூக வலைதளங்களில் ஹேஷ்டேக்குடன் பகிர்ந்தனர்.
இந்த விவகாரம் விஸ்வரூபமானதைத் தொடர்ந்து ஒளிப்பதிவாளர் சோட்டா நாயுடு, “காஜல் அகர்வால் மேல் உள்ள மதிப்பில் இவ்வாறு செய்தேன். அவரோடு பல படங்களில் பணிபுரிந்திருக்கிறேன்.
சவுந்தர்யாவுக்குப் பிறகு எனக்குப் பிடித்த நடிகை காஜல். ஒரு நடிகையாகத் தன் வேலையை சிறப்பாகச் செய்கிறார். எனவே, ஒரு ஈர்ப்பினால் அவரை முத்தமிட்டேன்” என்று சமாதானப்படுத்தியுள்ளார். #KajalAggarwal #BanChotaKNaidu
பெல்லம்கொண்டா ஸ்ரீனிவாஸ் நடித்துள்ள `கவச்சம்' படத்தின் டீசர் வெளியீட்டு விழாவில் காஜல் அகர்வாலை ஒளிப்பதிவாளர் சோட்டா கே நாயுடு முத்தமிட்டதற்கு ரசிகர்கள் எதிர்ப்பு தெரிவித்துள்ளனர். #KajalAggarwal #BanChotaKNaidu
பெல்லம்கொண்டா ஸ்ரீனிவாஸ், காஜல் அகர்வால் மற்றும் மெஹ்ரின் பிர்ஸாடா நடிப்பில் உருவாகியிருக்கும் தெலுங்கு படம் `கவச்சம்'. விரைவில் திரைக்கு வர இருக்கிறது. இந்த படத்தின் டீசர் வெளியீட்டு விழா நேற்று நடைபெற்றது. இதில் பெலம்கொண்டா ஸ்ரீனிவாஸ், மெஹ்ரின் பிர்ஸாடா, காஜல் அகர்வால், இயக்குனர் ஸ்ரீனிவாச மமிலா, இசை இசையமைப்பாளர் எஸ்.எஸ்.தாமான், ஒளிப்பதிவாளர் சோட்டா கே நாயுடு மற்றும் படக்குழுவினர் கலந்து கொண்டனர்.
பத்திரிகையாளர்கள் சந்திப்பின் போது, இந்த படத்தின் படபிடிப்பின் போது ஏற்பட்ட அனுபவங்கள் குறித்து காஜல் அகர்வால் கூறினார். அப்போது ஒளிப்பதிவாளர் சோட்டா நாயுடு பற்றியும் காஜல் பேசினார். அப்போது சோட்டா நாயுடு, காஜல் அகர்வாலை அணைத்து முத்தமொன்று கொடுத்தார்.
இதையடுத்து அந்த நிகழ்வை சமாளிக்க முயன்ற காஜல், சான்ஸ் பீ டான்ஸ் என்று சமாளித்தார்.
இந்த சம்பவத்தையடுத்து, டுவிட்டரில் காஜல் அகர்வால் ரசிகர்கள் #BanChotaKNaidu என்ற ஹேஸ்டேகை உருவாக்கி சமூக வலைதளத்தில் விமர்சித்து வருகின்றனர். #KajalAggarwal #BanChotaKNaidu #KavachamTeaser
