மின்கட்டணத்தை தள்ளுபடி செய்ய கோரி ஆர்ப்பாட்டம்

புதுச்சேரி:

புதுவை பிரதேச ரஜகுலத்தோர் நலச்சங்க கூட்டம் பாரதி பூங்காவில் நடந்தது.

மாநில தலைவர் ஆறுமுகம் தலைமை வகித்தார். செயலாளர் முத்தா பலராமன், பொருளாளர் பார்த்த சாரதி முன்னிலை வகித்தனர். கூட்டத்தில் சங்க நிர்வாகிகள் கலந்துகொண்டனர்.

பாகூர் சலவைதுறை அருகே அரசு இடத்தில் இலவச மனைப்பட்டா வழங்க வேண்டும். திருபுவனை, கூனிச்சம்பட்டு, காட்டேரிக்குப்பம் சலவை துறைகளை புனரமைக்க வேண்டும். சலவை துறைகளின் வாடகை, மின் கட்டணத்தை இலவசமாக வழங்க வேண்டும் என்ற தீர்மானங்கள் நிறை வேற்றப்பட்டது.

இந்த தீர்மானங்களை வலியுறுத்தி வரும் அக்டோபர் 17-ந் தேதி உள்ளாட்சி துறை முன்பு கண்டன ஆர்ப்பாட்டம் நடத்தவும் முடிவு செய்யப்பட்டது.