என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பிலிப்பைன்சில் குண்டுவீச்சு: ஐ.எஸ். இயக்க ஆதரவாளர்கள் 15 பேர் பலி
Byமாலை மலர்29 Jan 2017 9:28 PM GMT (Updated: 29 Jan 2017 9:28 PM GMT)
பிலிப்பைன்ஸ் பகுதியில் ராணுவம் குண்டு வீச்சும், பீரங்கி தாக்குதலும் நடத்தியது. இதில் கிளர்ச்சியாளர்கள் 15 பேர் உயிரிழந்தனர்.
மணிலா:
பிலிப்பைன்ஸ் நாட்டின் தென் மாகாணத்தில் ஐ.எஸ். பயங்கரவாத இயக்கத்தை ஆதரிக்கிற அபு சயாப் கிளர்ச்சியாளர்கள் ஆதிக்கம் செலுத்தி வருகின்றனர். குறிப்பாக அங்குள்ள லானவ் டெல் சுர் மலைப்பகுதிகளில் அந்த இயக்கத்தினர், தங்கள் தலைவர் அபு அப்துல்லா என்று அறியப்படுகிற இஸ்னிலான் ஹேபிலானுடன் இணைந்து செயல்பட்டு வந்தனர்.
அவர்களின் கொட்டத்தை அடக்க பிலிப்பைன்ஸ் ராணுவம் முடிவு செய்தது. இதையடுத்து அந்தப் பகுதியில் ராணுவம் குண்டு வீச்சும், பீரங்கி தாக்குதலும் நடத்தியது. இதில் கிளர்ச்சியாளர்கள் 15 பேர் உயிரிழந்தனர்.
இதுபற்றி மூத்த ராணுவ அதிகாரி எட்வட்டோ அனோ, மணிலாவில் நேற்று நிருபர்களிடம் பேசுகையில், “இந்த தாக்குதலில் அபு சயாப் இயக்கத்தின் தலைவர் இஸ்னிலான் படுகாயம் அடைந்துள்ளார். அவருக்கு உடனடியாக சிகிச்சை அளிக்க வேண்டி உள்ளது. ரத்தம் செலுத்த வேண்டி உள்ளது. அந்த சிகிச்சையை அளிக்காவிட்டால், அவர் இறந்து போகக்கூடும்” என கூறினார்.
2001-ம் ஆண்டு, பிலிப்பைன்ஸ்வாசிகள் 17 பேர், 3 அமெரிக்கர்கள் கடத்தப்பட்ட வழக்கில் பிலிப்பைன்ஸ் மத்திய விசாரணை முகமையால் தீவிரமாக தேடப்பட்டு வந்த நபர் இஸ்னிலான் என தகவல்கள் கூறுகின்றன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X