பாக்தாத்:
ஈராக் நாட்டின் கர்பாலா நகரில் ஷியா பிரிவு யாத்ரீகர்களை குறி வைத்து டிராக்டர் வெடிகுண்டு தாக்குதல் நடத்தப்பட்டது. தலைநகர் பாக்தாத்தில் இருந்து தென்கிழக்கில் சுமார் 120 கிலோமீட்டர் தொலைவில் உள்ள ஷோமாலி கிராமத்தில் இந்த தாக்குதல் நடைபெற்றுள்ளது.
அர்பயீன் பண்டிகையொட்டி கர்பாலா புனித தளத்திற்கு சென்று ஷியா யாத்ரீகர்கள் பேருந்துகளில் திரும்பிக் கொண்டிருந்தனர். அப்போது பெட்ரோல் பங்கு ஒன்றின் அருகில் பேருந்துகள் நின்று கொண்டிருந்த போது அங்கு டிராக்டர் வெடிகுண்டு தாக்குதல் நடத்தப்பட்டது.
இந்த தாக்குதலில் 70 பேர் பரிதாபமாக உயிரிழந்தனர். அதில் ஈரான் நாட்டை சேர்ந்தவர்கள் அதிகம் இருந்தனர். இது குறித்து போலீஸ் ஒருவர் கூறுகையில், “பெட்ரோல் நிலையத்தில் சுமார் 7 பேருந்துகள் வரை நின்றது” என்றார்.
ஈராக்கின் கர்பாலா புனித தளத்திற்கு ஆண்டு தோறும் லட்சக்கணக்கான வெளிநாட்டு யாத்ரீகர்கள் சென்று வருகின்றனர் என்பது குறிப்பிடத்தக்கது.
