மேட்டூர் அணைக்கு நீர்வரத்து 1,128 கனஅடி

சேலம்:

காவிரி நீர்ப்பிடிப்பு பகுதிகளில் மழை இல்லாததாலும், கர்நாடக அணைகளில் இருந்து தண்ணீர் திறக்கப்படாததாலும், ஒகேனக்கல் காவிரி மற்றும் மேட்டூர் அணைக்கான நீர்வரத்து குறைந்து வருகிறது. ஒகேனக்கல் காவிரியில் நீர்வரத்து விநாடிக்கு 3 ஆயிரம் கன அடியாக நீடிக்கிறது.

இதேபோல் மேட்டூர் அணைக்கு நேற்று முன்தினம் காலை விநாடிக்கு 1,327 கனஅடியாக இருந்த நீர்வரத்து, நேற்று காலை விநாடிக்கு 1,547 கனஅடியாக அதிகரித்தது. இந்நிலையில் இன்று காலை நிலவரப்படி, நீர்வரத்து விநாடிக்கு 1,128 கன அடியாக சரிந்தது. அணையில் இருந்து டெல்டா பாசனத்திற்கு விநாடிக்கு 12 ஆயிரம் கன அடி வீதமும், கிழக்கு மேற்கு கால்வாய் பாசனத்திற்கு விநாடிக்கு 400 கன அடி வீதமும் தண்ணீர் திறக்கப்பட்டு வருகிறது.

அணைக்கு வரும் நீரின் அளவைவிட, திறப்பு அதிகமாக இருப்பதால், நீர்மட்டம் தொடர்ந்து சரிந்து வருகிறது. நேற்று 112.89 அடியாக இருந்த நீர்மட்டம், இன்று காலை 112.22 அடியாக சரிந்தது.