மேட்டூர் அணை நீர்மட்டம் சரிவு

சேலம்:

காவிரி நீர்ப்பிடிப்பு பகுதிகளில் மழை இல்லாததால், ஒகேனக்கல் மற்றும் மேட்டூர் அணைக்கான நீர்வரத்து குறைந்துள்ளது.

ஒகேனக்கல் காவிரியில் கடந்த சில நாட்களாக விநாடிக்கு 2,000 கன அடியாக நீடித்த நீர்வரத்து, நேற்று காலை நிலவரப்படி விநாடிக்கு ஆயிரம் கன அடியாக சரிந்துள்ளது.

இதேபோல் மேட்டூர் அணைக்கு நேற்று காலை விநாடிக்கு 841 கனஅடியாக இருந்த நீர்வரத்து, இன்றும் அதே நிலையில் நீடிக்கிறது.

அணையில் இருந்து குடிநீர் தேவைக்காக விநாடிக்கு ஆயிரம் கன அடி தண்ணீர் திறக்கப்பட்டு வருகிறது. நேற்று 103.74 அடியாக இருந்த அணையின் நீர்மட்டம், இன்று காலை 103.71 அடியாக சரிந்துள்ளது.