வெடி விபத்தில் 8 பேர் பலி: பட்டாசு ஆலை போர்மென் உள்பட 2 பேர் கைது

விருதுநகர்:

விருதுநகர் மாவட்டம் சாத்தூர் அருகே கங்காங்கோட்டியில் உள்ள ஒரு பட்டாசு ஆலையில் கடந்த 26-ந்தேதி வெடி விபத்து ஏற்பட்டது.

இதில் ஏழாயிரம் பண்ணை அருகே உள்ள எலுமிச்சங்காய்பட்டியை சேர்ந்த முனியராஜ், வீர லட்சுமி, முத்துமாரி, சரஸ்வதி, சுப்புத்தாய், செல்வி, செல்வம், சூரியநாராயண சாமி ஆகிய 8 பேர் உயிரிழந்தனர்.

இதுதொடர்பாக பட்டாசு ஆலை உரிமையாளர் ரமேஷ் கண்ணன், போர்மென் ஆரோக்கியராஜ், ஒப்பந்த தாரர் பேச்சியப்பன் ஆகிய 3 பேர் மீது ஏழாயிரம் பண்ணை போலீசார் வழக்குப்பதிவு செய்து தேடி வந்தனர்.

இந்த நிலையில் தலைமறைவான ஆரோக்கியராஜ், பேச்சியப்பன் ஆகிய இருவரையும போலீசார் கைது செய்தனர். ஆலை உரிமையாளர் ரமேஷ் கண்ணன் தொடர்ந்து தலைமறைவாக உள்ளார். அவரை போலீசார் தேடி வருகிறார்கள்.