இண்டியன் வெல்ஸ் டென்னிஸ்: இறுதிப்போட்டியில் நடால் அதிர்ச்சி தோல்வி

அமெரிக்காவின் இண்டியன் வெல்ஸ் நகரில் பி.என்.பி. பாரிபாஸ் ஓபன் டென்னிஸ் போட்டி நடந்தது. நேற்று நள்ளிரவு நடந்த இறுதிப்போட்டியில் 4-ம் நிலை வீரரான ரபெல் நடால் (ஸ்பெயின்)- டெய்லர் பிரிட்ஸ் (அமெரிக்கா) மோதினார்கள்.

இதில் யாருமே எதிர்பார்க் காத வகையில் நடால் அதிர்ச்சிகரமாக தோற்று சாம்பியன் பட்டத்தை இழந்தார். 20-வது வரிசையில் உள்ள பிரிட்ஸ் 6-3, 7-6 (7-5) என்ற நேர் செட் கணக்கில் நடாலை வீழ்த்தி பட்டம் வென்றார். இந்த ஆண்டில் நடால் சந்தத்த முதல் தோல்வியாகும்.

அவர் அரை இறுதியில் சக நாட்டை சேர்ந்த அல்காரசை 3 மணி நேரத்துக்கு மேலாக போராடிதான் வென்று இருந்தார். ஆனால் இறுதிப் போட்டியில் போராட முடியாமல் நேர் செட்டிலேயே அவர் வீழ்ந்தார்.

இதையும் படியுங்கள்... ஆல் இங்கிலாந்து பேட்மிண்டன் சாம்பியன்ஷிப்- இரண்டாம் இடம் பிடித்தார் இந்தியாவின் லக்சயா சென்