என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
விளையாட்டு
X
ஷூட் அவுட் தோல்விக்கு பழிதீர்த்தது- புரோ ஹாக்கி லீக் தொடரில் அர்ஜென்டினாவை வென்றது இந்தியா
Byமாலை மலர்20 March 2022 5:19 PM GMT (Updated: 20 March 2022 5:19 PM GMT)
இன்றைய ஆட்டத்திலும் ஷூட் அவுட் முறை வரலாம் என்று எதிர்பார்த்த நிலையில், கடைசி நிமிடத்தில் மன்தீப் சிங் அபாரமாக கோல் அடித்து, அணியை வெற்றி பெறச் செய்தார்.
புவனேஸ்வர்:
புரோ ஹாக்கி லீக் தொடரின் இன்றைய ஆட்டத்தில் இந்திய அணி, அர்ஜென்டினா அணியுடன் விளையாடியது. நேற்று நடந்த போட்டியில், ஷூட் அவுட் முறையில் இந்தியா 1-3 என்ற கோல்கணக்கில் தோல்வியை தழுவிய நிலையில், இன்றைய ஆட்டத்தில் இந்திய வீரர்கள் வெற்றி பெறும் முனைப்பில் ஆக்ரோஷமாக விளையாடினார்கள். ஆட்டத்தின் பெரும்பாலான நேரத்தை தங்கள் கட்டுப்பாட்டில் வைத்திருந்தனர். அர்ஜென்டினா வீரர்களும் கடும் சவால் அளித்தனர்.
முதல் பாதியில் இந்தியா 2-0 என முன்னிலை பெற்றது. இரண்டாவது பாதியில் அர்ஜென்டினா சுதாரித்தது. 56வது நிமிடத்தில் அர்ஜென்டினா வீரர் மார்ட்டின் பீல்டு கோல் அடிக்க, இரண்டு அணிகளும் 3-3 என சமநிலையில் இருந்தன. இதனால் இன்றைய ஆட்டத்திலும் ஷூட் அவுட் முறை வரலாம் என்ற நிலை இருந்தது. அனால் கடைசி நிமிடத்தில் மன்தீப் சிங் அபாரமாக கோல் அடித்து, அணியை வெற்றி பெறச் செய்தார்.
இந்தியா சார்பில் ஜக்ராஜ் 20 மற்றும் 52வது நிமிடங்களில் கிடைத்த பெனால்டி கார்னர் வாய்ப்புகளில் கோல் அடித்தார். ஹர்திக் சிங் 17வது நிமிடத்தில் கோல் அடித்தார். போட்டி முடிய 26 வினாடிகள் இருந்தபோது மன்தீப் சிங் வெற்றி கோலை பதிவு செய்ய, இந்தியா 4-3 என வெற்றி பெற்றது.
இந்த வெற்றியின் மூலம் இந்திய அணி 16 புள்ளிகளுடன், 2ம் இடத்தில் நீடிக்கிறது. நெதர்லாந்து அணி முதலிடத்தில் உள்ளது. அர்ஜென்டினா அணி 4ம் இடத்தில் உள்ளது.
அடுத்து இந்திய அணி, ஏப்ரல் 2 மற்றும் ஏப்ரல் 3 ஆகிய நாட்களில் இங்கிலாந்து அணியுடன் விளையாடுகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X