புரோ கபடி லீக் போட்டி: 10-வது வெற்றி ஆர்வத்தில் அரியானா - புனே அணியுடன் இன்று மோதல்

பெங்களூர்:

12 அணிகள் பங்கேற்று உள்ள புரோ கபடி லீக் போட்டி பெங்களூரில் நடைபெற்று வருகிறது.

இன்று இரவு 7.30 மணிக்கு நடைபெறும் ஆட்டத்தில் அரியானா ஸ்டீலர்ஸ்- புனேரி பல்தான் அணிகள் மோதுகின்றன.

அரியானா அணி 9 வெற்றி, 3 டை, 6 தோல்வி யுடன் 58 புள்ளிகள் பெற்று 3-வது இடத்தில் உள்ளது. அந்த அணி புனேயை வீழ்த்தி 10-வது வெற்றியை பெறும் ஆர்வத்தில் உள்ளது. இன்றைய ஆட்டத்தில் வெற்றிபெற்றால் அரியானா அணி 2-வது இடத்துக்கு முன்னேறும்.

புனே அணி 8 வெற்றி, 8 தோல்வியுடன் 42 புள்ளிகள் பெற்று 11-வது இடத்தில் உள்ளது. அந்த அணி அரியானாவை வீழ்த்தி 9-வது வெற்றியை பெறும் வேட்கையில் உள்ளது.

இரவு 8.30 மணிக்கு நடைபெறும் 2-வது ஆட்டத்தில் ஜெய்ப்பூர் பிங்க் பாந்தர்ஸ்- உ.பி.யோதா அணிகள் மோதுகின்றன.

ஜெய்ப்பூர் அணி 8 வெற்றி, 2 டை, 7 தோல்வியுடன் 51 புள்ளிகள் பெற்று 6-வது இடத்திலும், உ.பி.யோதா 7 வெற்றி, 8 தோல்வியுடன் 52 புள்ளிகள் பெற்று 5-வது இடத்திலும் உள்ளன. ஜெய்ப்பூர் 9-வது வெற்றிக்காகவும், உ.பி. அணி 8-வது வெற்றிக்காகவும் காத்திருக்கின்றன.

பாட்னா அணி 70 புள்ளியுடன் முதல் இடத்திலும், டெல்லி 60 புள்ளிகளுடன் 2-வது இடத்திலும் உள்ளன.