இந்தோனேசியா மாஸ்டர்ஸ் பேட்மிண்டன்- பி.வி.சிந்து காலிறுதிக்கு முன்னேற்றம்

பாலி:

இந்தோனேசியாவின் பாலியில் இந்தோனேசிய மாஸ்டர்ஸ் சூப்பர்-750 பேட்மிண்டன் போட்டி நடைபெற்று வருகிறது. இதில், இந்தியாவின் நட்சத்திர வீராங்கனை பி.வி.சிந்து, காலிறுதிக்கு முன்னேறினார். இன்று நடைபெற்ற மகளிர் ஒற்றையர் பிரிவு 2ம் சுற்று ஆட்டத்தில் ஸ்பெயின் வீராங்கனை கிளாரா அசுர்மெண்டியை 17-21 21-7 21-12 என்ற செட்கணக்கில் வீழ்த்தினார். காலிறுதி ஆட்டத்தில் துருக்கி வீராங்கனை நெஸ்லிகனை சிந்து எதிர்கொள்ள உள்ளார்.

நெஸ்லிகனும் பி.வி.சிந்துவும் இதுவரை 3 முறை நேருக்கு நேர் மோதி உள்ளனர். 3 போட்டிகளிலும் சிந்து வெற்றி பெற்றுள்ளார். எனவே, காலிறுதி ஆட்டத்திலும் சிந்து ஆதிக்கம் செலுத்துவார் என எதிர்பார்க்கப்படுகிறது. 

ஆடவர் ஒற்றையர் பிரிவில் லக்சயா சென், கலப்பு இரட்டையர் பிரிவில் துருவ் கபிலா- சிக்கி ரெட்டி ஆகியோர் தோல்வியடைந்து வெளியேறினர்.