சர்வதேச துப்பாக்கி சுடுதல் போட்டி- மனு பாகெர் தங்கம் வென்று அசத்தல்

ரோக்லா: 

போலந்து நாட்டின் ரோக்லா நகரில் ஐஎஸ்எஸ்எப் தலைவர் கோப்பை துப்பாக்கி சுடுதல் போட்டி நடைபெற்று வருகிறது. இதில், இந்தியா சார்பில் 7 பேர் பங்கேற்றுள்ளனர்.

இன்று நடைபெற்ற 10 மீட்டர் ஏர் பிஸ்டல் கலப்பு அணிக்கான போட்டியில் இந்தியாவின் மனு பாகெர், ஈரானின் ஜாவத் பாரோகி இணைந்து  தங்கம் வென்று சாதனை படைத்தனர். தங்கப் பதக்கத்துக்கான சுற்றில் இந்த ஜோடி, பிரெஞ்சு-ரஷிய ஜோடியை 16-8 என்ற புள்ளிக் கணக்கில் வென்றது.

இந்த பிரிவில் மற்றொரு இந்திய வீரர் அபிஷேக் வர்மா-உக்ரைன் வீராங்கனை ஒலேனாவுடன் இணைந்து பங்கேற்றார். இந்த ஜோடி 6வது இடத்தைப் பிடித்தது. சவுரப் சவுத்ரி-ஹெய்டி ஜோடி 7வது இடத்தை பிடித்தது. யாஷாஸ்வினி தேஸ்வால் ஜோடி 10வது இடத்திற்கு பின்தங்கியது.