ஹைலோ ஓபன் பேட்மிண்டன்- லக்சயா அரையிறுதிக்கு முன்னேற்றம்

சார்புரூக்கன்:

ஜெர்மனியில் நடைபெற்று வரும் ஹைலோ ஓபன் பேட்மிண்டன் சூப்பர் 500 போட்டியில் இந்தியாவின் இளம் வீரர் லக்சயா சென் அரையிறுதிக்கு முன்னேறினார். நேற்று இரவு நடைபெற்ற காலிறுதி ஆட்டத்தில் தாய்லாந்து முன்னணி வீரர் குன்லாவத்தை 21-18 12-21 21-19 என்ற செட்கணக்கில் வீழ்த்தினார்.

உலக தரவரிசையில் 21ம் இடத்தில் இருக்கும் லக்சயா, இனி அரையிறுதியில் சிங்கப்பூரைச் சேர்ந்த லோ கீன் யீவை எதிர்கொள்கிறார். 

இந்த போட்டித் தொடர், இதற்கு முன்பு சார்லோர்லக்ஸ் ஓபன் என அழைக்கப்பட்டது. கடந்த 2019ம் ஆண்டு இந்திய வீரர் லக்சயா சாம்பியன் பட்டம் வென்றுள்ளார்.