search icon
என் மலர்tooltip icon

    செய்திகள்

    சாக்‌ஷியுடன் எம்.எஸ். டோனி
    X
    சாக்‌ஷியுடன் எம்.எஸ். டோனி

    எம்.எஸ். டோனி குடும்பத்தில் விரைவில் மேலும் ஒருவர்: சமூக வலைத்தளங்களில் வைரலாகும் செய்தி

    இந்திய கிரிக்கெட் அணியின் சாதனைக் கேப்டனாக திகழ்ந்த எம்.எஸ். டோனிக்கு விரைவில் 2-வது குழந்தை பிறக்க இருப்பதாக செய்திகள் பரவி வருகின்றன.
    இந்திய அணியின் சாதனைக் கேப்டனாக திகழ்ந்தவர் எம்.எஸ். டோனி. 40 வயதாகும் எம்.எஸ். டோனி கடந்த 2010-ம் ஆண்டு ஜூலை 4-ந்தேதி சாக்‌ஷி என்பரை திருமணம் செய்து கொண்டார். எம்.எஸ். டோனி- சாக்‌ஷி தம்பதிக்கு கடந்த 2015-ம் ஆண்டு பிப்ரவரி மாதம் 6-ந்தேதி பெண் குழந்தை பிறந்தது. இந்த குழந்தைக்கு ஜிவா எனப் பெயர் சூட்டியிருந்தார்.

    நேற்று நடைபெற்ற ஐ.பி.எல். இறுதிப் போட்டியில் சென்னை சூப்பர் கிங்ஸ் அணி சாம்பியன் பட்டம் வென்றது. இந்த வெற்றியை எம்.எஸ். டோனியின் மனைவி மகள், சுரேஷ் ரெய்னாவின் மனைவி பிரியங்கா மற்றும் குழந்தைகள் கொண்டாடினர்.

    எம்.எஸ். டோனி, ரெய்னா குடும்பம்

    இந்த நிலையில்  டோனியின் மனைவி சாக்‌ஷி கர்ப்பமாக உள்ளார். விரைவில் ஜிவாவுக்கு சகோதரி அல்லது சகோதரன் வரப்போகிறான் என்ற செய்தியை பிரியங்கா ரெய்னா உறுதிப்படுத்தியதாக இணைய தளங்களில் செய்திகள் காட்டுத்தீ போன்று பரவி வருகிறது.
    Next Story
    ×