என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
டி.என்.பி.எல்.: மதுரையை 5 விக்கெட் வித்தியாசத்தில் வீழ்த்தியது சேப்பாக் சூப்பர் கில்லீஸ்
Byமாலை மலர்4 Aug 2021 6:04 PM GMT (Updated: 4 Aug 2021 7:12 PM GMT)
தொடக்க பேட்ஸ்மேன் கவுசிக் காந்தி 50 பந்தில் 64 ரன்கள் அடிக்க, சேப்பாக் சூப்பர் கில்லீஸ் மதுரை அணியை 5 விக்கெட் வீழ்த்தியாசத்தில் வீழ்த்தியது.
சென்னை:
தமிழ்நாடு பிரிமீயர் லீக் டி20 கிரிக்கெட் போட்டியின் இன்றைய ஆட்டத்தில் சேப்பாக் சூப்பர் கில்லிஸ் - மதுரை பாந்தர்ஸ் அணிகள் மோதின. டாஸ் வென்ற மதுரை பாந்தர்ஸ் அணி பேட்டிங்கை தேர்வு செய்தது.
அதன்படி, மதுரை பாந்தர்ஸ் அணி களமிறங்கியது. தொடக்க ஆட்டக்காரர் பிரவீன் தான் சந்தித்த 2 பந்தை பவுண்டரிக்கும் 3-வது பந்தை சிக்சருக்கும் பறக்க விட்டார. ஆனால், அடுத்த பந்தில் போல்ட் ஆகி வெளியேறினார். இதைத்தொடர்ந்து அடுத்தடுத்து விக்கெட்கள் சரிய தொடங்கியது. 85 ரன்கள் எடுப்பதற்குள் அந்த அணி 6 விக்கெட்டுகளை இழந்தது தடுமாறியது.
இதனையடுத்து மதுரை அணியின் கேப்டன் பொறுப்புடன் ஆடி அரை சதம் அடித்தார். கடைசி வரை போராடிய அவர் 70 ரன்கள் எடுத்து ஆட்டம் இழந்தார். 20 ஓவர் முடிவில் மதுரை அணி 9 விக்கெட் இழப்பிற்கு 124 ரன்கள் எடுத்தது. சேப்பாக் சூப்பர் கில்லீஸ் தரப்பில் மணிமாறன் சித்தார்த் 4 விக்கெட்டுகளை கைப்பற்றினார்.
பின்னர் 125 ரன்கள் அடித்தால் வெற்றி என்ற இலக்குடன் சேப்பாக் சூப்பர் கில்லீஸ் களம் இறங்கியது. கவுசிக் காந்தி, ஜெகதீசன் ஆகியோர் தொடக்க வீரர்களாக களம் இறங்கினர். ஜெகதீசன் 9 ரன்கள் எடுத்து ஆட்டமிழந்தார். அடுத்து வந்த சீனிவாஸ் 2 ரன்னிலும், சசிதேவ் 18 ரன்னிலும், சாய் கிஷோர் 18 ரன்னிலும் ஆட்டமிழந்தனர்.
ஆனால் கேப்டன் கவுசிக் காந்தி அபாரமாக விளையாடி 50 பந்தில் 6 பவுண்டரி, 1 சிக்சருடன் 64 ரன்கள் எடுத்து ஆட்டமிழந்தார். கவுசிக் காந்தி ஆட்டமிழக்கும்போது, சேப்பாக் சூப்பர் கில்லீஸ் 17.3 ஓவரில் 115 ரன்கள் எடுத்திருந்தது.
அதன்பின் 18.5 ஓவரில் 5 விக்கெட் இழப்பிற்கு 125 ரன்கள் எடுத்து 5 விக்கெட் வித்தியாசத்தில் அபார வெற்றி பெற்றது. 4 விக்கெட் வீழ்த்திய சேப்பாக் சூப்பர் கில்லீஸ் சித்தார்த் ஆட்ட நாயகன் விருது பெற்றார்.
இந்த வெற்றியின் மூலம் சேப்பாக் சூப்பர் கில்லீஸ் 5 போட்டிகளில் விளையாடி 3 வெற்றி, ஒரு தோல்வி, ஒரு முடிவு இல்லை ஆகியவற்றின் மூலம் 7 புள்ளிகள் பெற்று புள்ளிகள் பட்டியலில் 2-வது இடத்தை பிடித்துள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X