விம்பிள்டன் ஓபன் டென்னிஸ்: சிமோனா ஹாலெப் விலகல்

ரோமானியா நாட்டைச் சேர்ந்த டென்னிஸ் வீராங்கனை சிமோனா ஹாலெப். கடந்த மாதம் ரோம் நகரில் நடைபெற்ற டென்னிஸ் தொடரில் விளையாடினார். 2-வது சுற்றில் ஏஞ்சலிக் கெர்பரை எதிர்த்து விளையாடும்போது காயத்தால் வெளியேறினார்.

அதன்பின் பிரான்ஸில் நடைபெற்ற பிரெஞ்ச் ஓபனிலும் விளையாடவில்லை. வருகிற திங்கட்கிழமை (28-ந்தேதி) விம்பிள்டன் ஓபன் டென்னிஸ் தொடர் தொடங்குகிறது. காயம் முழுமையாக குணமடையாததால் விம்பிள்டன் டென்னிஸில் இருந்தும் சிமோனா ஹாலெப் விலகியுள்ளார்.

கடந்த ஆண்டு கொரோனா வைரஸ் தொற்று காரணமாக விம்பிள்டன் டென்னிஸ் நடைபெறவில்லை. 2019-ம் ஆண்டு நடைபெற்ற போட்டியில் சிமோனா ஹாலெப் இறுதிப் போட்டியில் அமெரிக்காவின் செரீனா வில்லியம்ஸை 6-2, 6-2 என நேர்செட் கணக்கில் வீழ்த்தி சாம்பியன் பட்டம் வென்றார் என்பது குறிப்பிடத்தக்கது.