இடது கை வேகப்பந்து வீச்சாளர் என்றாலே, சற்றென்று நினைவுக்கு வரும் வாசிம் அக்ரம் பிறந்த நான் இன்று

இடது கை வேகப்பந்து வீச்சாளர் என்றாலே. சற்றென்று நினைவுக்கு வருபவர் பாகிஸ்தான் அணியின் முன்னாள் தலைசிறந்த வேகப்பந்து வீச்சாளர் அக்ரம்தான். இவருக்கு இன்று பிறந்த நாள். 55 வயதை கடந்து 56-வது வயதிற்குள் நுழைந்துள்ளார்.

இளம் தலைமுறை பந்து வீச்சாளர்களிடம் நீங்கள் யாரை போன்று பந்து வீசி விரும்புகிறீர்கள் என்று கேட்டால், சந்தேகமின்றி வாசிம் அக்ரமைத்தான் கூறுவார்கள்.

நேர்த்தியான யார்க்கர் வீசுவது, பந்தைத ஸ்விங் செய்வதில் இவரை மிஞ்சிய நபர் இல்லை என்று சொல்லலாம். 1984-ம் ஆண்டு நியூசிலாந்து அணிக்கெதிரான கிரிக்கெட்டில் அறிமுகமானார். 2003-ம் அண்டு வரை சுமார் 20 வருடங்கள் கிரிக்கெட் விளையாடி டெஸ்ட் போட்டியில் 414 விக்கெட்டுகும், ஒருநாள் போட்டியில் 502 விக்கெட்டுகளும் வீழத்தியுள்ளார். ஒருநாள் கிரிக்கெட்டில் 500 விக்கெட்டுகளுக்கு மேல் வீழ்த்திய முதல் நபர் என்ற பெருமையை பெற்றார்.

1992-ம் ஆண்டு பாகிஸ்தான் அணி உலகக்கோப்பையை வெல்ல இவரது பந்து வீச்சும் முக்கிய பங்கு வகித்தது என்றால் அது மிகையாகாது. மேலும், டெஸ்ட் போட்டியில் ஜிம்பாப்வே அணிக்கெதிராக 257 ரன்கள் எடுத்து ஆட்டமிழக்காமல் இருந்துள்ளார்.

1993 முதல் 1999-ம் ஆண்டு வரை கேப்டனாக இருந்துள்ளார். இவரது தலைமையில் பாகிஸ்தான் அணி 1999-ம் ஆண்டு உலகக்கோப்பை இறுதிப் போட்டியில் ஆஸ்திரேலியாவை எதிர்த்து விளையாடியது. இதில் பாகிஸ்தான் வெற்றி வாய்ப்பை இழந்தது. அதிகபட்சமாக வெஸ்ட் இண்டீஸ் அணிக்கெதிராக 17 டெஸ்ட் போட்டியில் 79 விக்கெட்டுகள் வீழ்த்தியுள்ளார்.

வாசிம் அக்ரம் 30 வயதிலேயே நீரிழிவு நோய்க்கு ஆளானார். என்றாலும் மருந்து எடுத்துக் கொண்டு பந்து வீச்சில் அபாரமாக ஜொலித்தார் என்பது குறிப்பிடத்தக்கது.