தென்ஆப்பிரிக்கா - பாகிஸ்தான் அணிகளுக்கு இடையிலான முதல் டி20 கிரிக்கெட் போட்டி நேற்று நடைபெற்றது. இந்த போட்டியில் பாகிஸ்தான் வெற்றி பெற்று நான்கு போட்டிகள் கொண்ட டி20 தொடரில் 1-0 என முன்னிலை வகிக்கிறது.
இந்த வெற்றியின் மூலம் பாகிஸ்தான் அணி டி20 கிரக்கெட்டில் சூப்பர் ஓவர் வெற்றியைத் தவிர்த்து 100 வெற்றிகள் பெற்ற முதல் அணி என்ற பெருமையை பெற்றுள்ளது.
அந்த அணி இதுவரை 164 போட்டிகளில் விளையாடி 100 வெற்றிகள் பெற்றுள்ளது. 59 போட்டிகளில் தோல்வியை சந்தித்துள்ளது. மூன்று போட்டிகள் டை ஆகியுள்ளன. இரண்டு போட்டிகள் கைவிடப்பட்டுள்ளன.
இந்தியா 142 போட்டிகளில் 88 போட்டிகளில் வெற்றி பெற்றுள்ளது. 47 போட்டிகளில் தோல்வியடைந்த நிலையில், 3 போட்டி டையில் முடிந்துள்ளது. நான்கு போட்டிகள் கைவிடப்பட்டுள்ளன.
ஆஸ்திரேலியா 136 போட்டிகளில் 71 வெற்றி, தென்ஆப்பிரிக்கா 128 போட்டிகளில் 71 வெற்றி, நியூசிலாந்து 145 போட்டிகளில் 71 வெற்றிகள் பெற்று 3-வது இடத்தில் உள்ளன.
