என் மலர்

    செய்திகள்

    ஒசாகா
    X
    ஒசாகா

    மியாமி ஓபன் டென்னிஸ் : ஒசாகா, மெட்விடேவ் 3-வது சுற்றுக்கு முன்னேற்றம்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பெண்கள் ஒற்றையர் பிரிவின் 2-வது சுற்று ஆட்டம் ஒன்றில் ஆஸ்திரேலிய ஓபன் சாம்பியனுமான நவோமி ஒசாகா, 6-4 என்ற நேர்செட்டில் டாம்ஜனோவிச்சை வீழ்த்தினார்.
    மியாமி:

    மியாமி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது. இதில் ஆண்கள் ஒற்றையர் பிரிவு 2-வது சுற்று ஆட்டம் ஒன்றில் உலக தரவரிசையில் 2-வது இடத்தில் இருக்கும் ரஷிய வீரர் டேனில் மேட்விடேவ் 6-2, 6-2 என்ற நேர்செட்டில் யென் ஹூன் லூவை (சீனதைபே) எளிதில் தோற்கடித்து 3-வது சுற்றுக்கு முன்னேறினார். மற்றொரு ஆட்டத்தில் தரவரிசையில் 7-வது இடம் வகிக்கும் ஜெர்மனி வீரர் அலெக்சாண்டர் ஸ்வெரேவ் 6-1, 3-6, 1-6 என்ற செட் கணக்கில் 83-வது இடத்தில் இருக்கும் பின்லாந்தின் இமில் ருசுவோரியிடம் அதிர்ச்சி தோல்வி கண்டு வெளியேறினார். மற்ற ஆட்டங்களில் ஜான் இஸ்னர் (அமெரிக்கா), கச்சனோவ் (ரஷியா) வெற்றி பெற்றனர்.

    பெண்கள் ஒற்றையர் பிரிவின் 2-வது சுற்று ஆட்டம் ஒன்றில் உலக தரவரிசையில் 2-வது இடத்தில் இருப்பவரும், ஆஸ்திரேலிய ஓபன் சாம்பியனுமான நவோமி ஒசாகா (ஜப்பான்) 7-6 (7-3), 6-4 என்ற நேர்செட்டில் டாம்ஜனோவிச்சை (ஆஸ்திரேலியா) வீழ்த்தி 3-வது சுற்றுக்குள் அடியெடுத்து வைத்தார். நவோமி ஒசாகா தொடர்ச்சியாக பெற்ற 22-வது வெற்றி இதுவாகும். இன்னொரு ஆட்டத்தில் முன்னாள் சாம்பியனான ஸ்லோன் ஸ்டீபன்ஸ் (அமெரிக்கா) 3-6, 3-6 என்ற நேர்செட்டில் சக நாட்டு வீராங்கனை அமன்டா அனிசிமோவாவிடம் வீழ்ந்து நடையை கட்டினார். இதேபோல் தரவரிசையில் 11-வது இடத்தில் உள்ள கிகி பெர்டென்ஸ் (நெதர்லாந்து) 2-6, 1-6 என்ற நேர்செட்டில் ரஷியாவின் லிட்மிலா சாம்சோனாவிடம் தோல்வியை தழுவினார். மற்ற ஆட்டங்களில் சோபியா கெனின் (அமெரிக்கா), பியான்கா ஆன்ட்ரீஸ்கு (கனடா), மரியா சக்காரி (கிரீஸ்), கரோலினா பிளிஸ்கோவா (செக்குடியரசு), கார்பின் முகுருஜா (ஸ்பெயின்) ஆகியோர் வெற்றியை ருசித்தனர்.
    Next Story
    ×