ஆஸ்திரேலியா ஓபன்: அரையிறுதியில் ஜெனிபர் பிராடி வெற்றி- சாம்பியனுக்காக ஒசாகாவுடன் பலப்பரீட்சை

ஆஸ்திரேலியா ஓபன் டென்னிஸ் பெண்கள் ஒற்றையர் பிரிவு அரையிறுதி ஆட்டங்கள் இன்று நடைபெற்றன, முதல் ஆட்டத்தில் செரீனா வில்லியம்சை வீழ்த்தி நவோமி ஒசாகா இறுதிப் போட்டிக்கு முன்னேறினார்.

மற்றொரு அரையிறுதியில் அமெரிக்காவின் ஜெனிபர் பிராடி செக்குடியரசின் கரோலினா முச்கோவாவை எதிர்கொண்டார். முதல் செட்டை ஜெனிபர் பிராடி 6-4 எனக் கைப்பற்றினார். ஆனால் 2-வது செட்டை 3-6 என இழந்தார். வெற்றியை தீர்மானிக்கும் கடைசி செட்டை 6-4 என கைப்பற்றி வெற்றி பெற்றார்.

வெற்றி பெற்ற ஜெனிபர் பிராடி இறுதிப் போட்டியில் ஜப்பானைச் சேர்ந்த நவோமி ஒசாகாவை எதிர்கொள்கிறார்.