இந்தியன் சூப்பர் லீக் கால்பந்து: கோவா அணி 4-வது வெற்றி - ஐதராபாத்தை வீழ்த்தியது

கோவா:

7-வது இந்தியன் சூப்பர் லீக் கால்பந்து போட்டி தொடர் கோவாவில் நடந்து வருகிறது. நேற்று நடந்த 43-வது லீக் ஆட்டத்தில் கோவா-ஐதராபாத் அணிகள் மோதின. இதில் ஐதராபாத் அணி வீரர் அரிடேனே 58-வது நிமிடத்தில் கோல் அடித்தார்.

ஆனால் கடைசி நிமிடங்களில் கோவா அணி 2 கோல் அடித்து வெற்றி பெற்றது. அந்த அணி வீரர்கள் இஷான் பன்டிட்டா 87-வது நிமிடத்திலும், இகோர் அங்குலோ 91-வது நிமிடத்திலும் கோல் அடித்தனர். கோவா அணி பெற்ற 4-வது வெற்றி இதுவாகும். அந்த அணி 14 புள்ளியுடன் 3-வது இடத்தில் உள்ளது. ஐதராபாத் அணி 3 தோல்வியை (8 ஆட்டங்கள்) சந்தித்தது. அந்த அணி 2 வெற்றி, 3 டிரா பெற்றிருக்கிறது.

இன்றும், நாளையும் ஓய்வு நாளாகும். 2-ந் தேதி நடக்கும் ஆட்டத்தில் மும்பை-கேரளா அணிகள் மோதுகின்றன.