இந்திய தடகள அணியின் திறன் இயக்குனர் ராஜினாமா

இந்திய தடகள அணியின் உயர்செயல்பாட்டு திறன் இயக்குனராக ஜெர்மனியைச் சேர்ந்த வோல்கர் ஹெர்மான் கடந்த ஆண்டு ஜூன் மாதம் நியமிக்கப்பட்டார். தள்ளிவைக்கப்பட்ட 2021-ம் ஆண்டு டோக்கியோ ஒலிம்பிக் போட்டி வரை இயக்குனராக நீடிப்பார் என்று தெரிவிக்கப்பட்டு இருந்தது. பிறகு 2024-ம் ஆண்டு பாரீஸ் ஒலிம்பிக் வரை அவரது ஒப்பந்தத்தை மத்திய விளையாட்டு அமைச்சகம் நீட்டித்தது.

இந்த நிலையில் இந்த பொறுப்பில் இருந்து ஹெர்மான் விலகியுள்ளார். அவசரமாக தாயகம் திரும்பிய அவர் அதன் பிறகு பதவியை ராஜினாமா செய்திருக்கிறார். இதற்கு அவர் குறிப்பிடத்தக்க காரணம் எதையும் சொல்லவில்லை என்று இந்திய தடகள சம்மேளன வட்டாரங்கள் தெரிவித்தன.