கரீபியன் பிரிமீயர் லீக் தொடங்கியது: முதல் நாள் ஆட்டத்தில் டிரின்பாகோ, பார்படோஸ் அணிகள் வெற்றி

கரீபியன் பிரிமீயர் லீக் நேற்று தொடங்கியது. கொரோனா வைரஸ் தொற்று காரணமாக ரசிகர்கள் அனுமதிக்கப்படவில்லை.

முதல் ஆட்டத்தில் டிரின்பாகோ நைட் ரைடர்ஸ் - கயானா அமேசான் வாரியர்ஸ் அணிகள் மோதின. டாஸ் வென்ற டிரின்பாகோ டாஸ் வென்று பந்து வீச்சை தேர்வு செய்தது. மழையால் ஆட்டம் 17 ஓவராக குறைக்கப்பட்டது.

தொடக்க வீரர்கள் பிராண்டன் கிங் (0), சந்தர்பால் ஹேம்ராஜ் (3) சொற்ப ரன்களில் ஆட்டமிழந்தனர். அதன்பின் வந்த ஹெட்மையர் ஆட்டமிழக்காமல் 44 பந்தில் 63 ரன்கள் அடித்தார். ராஸ் டெய்லர் 21 பந்தில் 33 ரன்கள் அடித்தார். இதனால் கயானா 17 ஓவர்களில் 5 விக்கெட் இழப்பிற்கு 144 ரன்கள் சேர்த்தது.

பின்னர் 145 ரன்கள் அடித்தால் வெற்றி என்ற இலக்குடன் டிரின்பாகோ நைட் ரைடர்ஸ் அணி களம் இறங்கியது. தொடக்க வீரராக களம் இறங்கிய சுனில் நரைன் 28 பந்தில் 50 ரன்கள் விளாச 16.4 ஓவரில் 147 ரன்கள் எடுத்து 4 விக்கெட் வித்தியாசத்தில் வெற்றி பெற்றது.

மற்றொரு ஆட்டத்தில் பார்படோஸ் டிரிரென்ட்ஸ் - செயின்ட் கிட்ஸ் அண்டு நேவிஸ் பேட்ரியாட்ஸ் அணிகள் மோதின.

டாஸ் வென்ற செயின்ட் கிட்ஸ் பந்து வீச்சை தேர்வு செய்தது. அதன்படி பார்படோஸ் டிரிடென்ட்ஸ் அணி முதலில் களம் இறங்கியது. கே. மேயர்ஸ் 37 ரன்னும், ஹோல்டர் 22 பந்தில் 38 ரன்களும் அடிக்க 20 ஓவரில் 9 விக்கெட் இழப்பிற்கு 153 ரன்கள் சேர்த்தது.

154 ரன்கள் அடித்தால் வெற்றி என்ற இலக்குடன் செயின்ட் கிட்ஸ் அணி களம் இறங்கியது. அந்த அணி விக்கெட்டை இழக்காவிடிலும் ரன்கள் குவிக்க இயல திணறியது. 20 ஓவரில் 5 விக்கெட் இழப்பிற்கு 147 ரன்கள் மட்டுமே எடுத்தது.

இதனால் பார்படோஸ் டிரிடென்ட்ஸ் அணி 6 ரன் வித்தியாசத்தில் வெற்றி பெற்றது.