search icon
என் மலர்tooltip icon

    செய்திகள்

    டீன் எல்கர்
    X
    டீன் எல்கர்

    தென்ஆப்பிரிக்கா டெஸ்ட் அணி கேப்டன் பதவியை குறிவைக்கும் டீன் எல்கர்

    தென்ஆப்பிரிக்கா கிரிக்கெட் போர்டு டெஸ்ட் அணிக்கான கேப்டனை தேடிவரும் நிலையில், அதை ஏற்க தயார் என டீன் எல்கர் தெரிவித்துள்ளார்.
    தென்ஆப்பிரிக்கா டெஸ்ட் கிரிக்கெட் அணியின் கேப்டனாக இருந்தவர் டு பிளிஸ்சிஸ். சொந்த மண்ணில் இங்கிலாந்துக்கு எதிரான தொடரை இழந்ததால் கேப்டன் பதவியை ராஜினாமா செய்தார்.

    ஒயிட்-பால் கிரிக்கெட் அணியின் கேப்டனாக நியமிக்கப்பட்டுள்ள விக்கெட் கீப்பர் பேட்ஸ்மேன் குயிண்டன் டிக் டெஸ்ட் அணிக்கும் கேப்டனாக நியமிக்கப்படுவார் என்று எதிர்பார்க்கப்பட்டது.

    ஆனால், டி காக்கிற்கு அதிகமாக சுமையை கொடுக்க விரும்பவில்லை. அதனால் டெஸ்ட் கிரிக்கெட் அணிக்கு அவரை கேப்டனாக நியமிக்கமாட்டோம் என்று தென்ஆப்பிரிக்கா கி்ரிக்கெட் போர்டு தெரிவித்துவிட்டது.

    இந்நிலையில் கேப்டன் பதவி கொடுக்கப்பட்டால் ஏற்றுக்கொள்வேன் என்று தொடக்க பேட்ஸ்மேன் டீல் எல்கர் தெரிவித்துள்ளார்.

    இதுகுறித்து டீன் எல்கர் கூறுகையில் ‘‘டெஸ்ட் அணி கேப்டன் பதவி என்பது உண்மையிலேயே எளிதான பயணம் கிடையாது. ஆனால், கேப்டன் என்பது எனக்கு இயல்பாகவே இருக்கக் கூடியது.

    கடந்த காலங்களில் நான் கேப்டனாக பணியாற்றியுள்ளேன். பள்ளி, மாகாணம் மற்றும் பிரான்சிஸ் அளவிலான அணிகளுக்கு கேப்டனாக இருந்துள்ளேன். இயல்பாகவே அந்த பணியை ரசித்து செய்துள்ளேன். கேப்டன் பதவி ஏற்க வேண்டும் என்றால், நிச்சயம் அது ஏற்றுக் கொள்வேன்’’ என்றார்.

    டீன் எல்கர் தென்ஆப்பிரிக்கா டெஸ்ட் அணிக்காக இரண்டு முறை கேப்டனாக பணியாற்றியுள்ளார். 2017 லார்ட்ஸ் டெஸ்டில் தென்ஆப்பிரிக்கா 211 ரன்னில் தோல்வியை சந்தித்தது. பாகிஸ்தானுக்கு எதிராக 2019-ல் 107 ரன்னில் வெற்றி பெற்றது.
    Next Story
    ×