தேசிய பால் பேட்மிண்டன் போட்டி: ஒடிசா-மணிப்பூர் அணிகள் வெற்றி

சென்னை:

65-வது சீனியர் தேசிய பால் பேட்மிண்டன் சாம்பியன்ஷிப் போட்டி ஓ.எம்.ஆரில் உள்ள செயின்ட் ஜோசப் கல்லூரியில் நேற்று தொடங்கியது. இதில் 1,200 க்கும் மேற்பட்ட வீரர்- வீராங்கனைகள் பங்கேற்றனர். இப்போட்டியை அர்ஜூணா விருதை வென்ற செபாஸ்டியன் சேவியர் தொடங்கி வைத்தார்.

செயின்ட்ஜோசப் கல்விக்குழும சேர்மன் பி.பாபு மனோகரன் இயக்குனர் சசிசேகர் உள்ளிட்டோர் கலந்து கொண்டனர்.

ஆண்கள் பிரிவில் ஒடிசா அணி குஜராத்தை 35-21, 35-14 என்ற கணக்கில் வீழ்த்தியது. மேற்கு வங்காளம் அணி 35-22, 35-26 என்ற கணக்கில் அட்டாமிக் எனர்ஜி அணியை தோற்கடித்தது.

பெண்கள் பிரிவில் மேற்கு வங்காளம், மணிப்பூர், ஒடிசா, இஸ்ரோ அணிகள் வெற்றி பெற்றன.