20 ஓவர் போட்டி: தென் ஆப்பிரிக்கா- இங்கிலாந்து நாளை பலப்பரீட்சை

கிழக்கு லண்டன்:

இங்கிலாந்து கிரிக்கெட் அணி தென் ஆப்பிரிக்காவில் சுற்றுப்பயணம் செய்து விளையாடி வருகிறது. இரு அணிகள் இடையேயான டெஸ்ட் தொடரை இங்கிலாந்து 3-1 என்ற கணக்கில் கைப்பற்றியது. இதேபோல 3 போட்டி கொண்ட ஒருநாள் தொடர் 1-1 என்ற கணக்கில் சமநிலையில் முடிந்தது.

தென் ஆப்பிரிக்கா- இங்கிலாந்து அணிகள் இடையேயான மூன்று 20 ஓவர் தொடரின் முதல் ஆட்டம் கிழக்கு லண்டனில் நாளை நடக்கிறது.

இந்த போட்டியில் காயம் காரணமாக ஓய்வில் இருந்த தென் ஆப்பிரிக்காவின் வேகப்பந்து வீச்சாளர் ஸ்டேயின் அணிக்கு திரும்பி உள்ளார்.