search icon
என் மலர்tooltip icon

    செய்திகள்

    ஹாட்ரிக் விக்கெட் வீழ்த்திய நசீம் ஷாவை பாராட்டும் சக வீரர்கள்
    X
    ஹாட்ரிக் விக்கெட் வீழ்த்திய நசீம் ஷாவை பாராட்டும் சக வீரர்கள்

    16 வயதில் ஹாட்ரிக் விக்கெட் வீழ்த்தி சாதனைப் படைத்த நசீம் ஷா

    ராவல்பிண்டியில் நடைபெற்று வரும் வங்காளதேச அணிக்கெதிரான டெஸ்டின் 2-வது இன்னிங்சில் நசீம் ஷா ஹாட்ரிக் விக்கெட் வீழ்த்தி சாதனைப் படைத்தார்.
    பாகிஸ்தான் - வங்காளதேசம் அணிகளுக்கு இடையிலான முதல் டெஸ்ட் ராவல்பிண்டியில் நடைபெற்று வருகிறது. டாஸ் வென்ற பாகிஸ்தான் பந்து வீச்சை தேர்வு செய்தது. அதன்படி முதலில் களம் இறங்கிய வங்காளதேசம் 233 ரன்னில் சுருண்டது.

    பின்னர் முதல் இன்னிங்சில் விளையாடிய பாகிஸ்தான் 445 ரன்கள் குவித்து ஆல்-அவுட் ஆனது. இன்றைய 3-வது நாளில் 212 ரன்கள் பின்தங்கிய நிலையில் வங்காளதேசம் 2-வது இன்னிங்சில் பேட்டிங் செய்தது.

    41-வது ஓவரை நசீம் ஷா வீசினார். இந்த ஓவரின் 4-வது பந்தில் நஜ்முல் ஹொசைன் ஷான்டோ 38 ரன்கள் எடுத்த நிலையில் எல்பிடபிள்யூ ஆனார். அடுத்த பந்தில் தைஜுல் இஸ்லாமையும் எல்பிடபிள்யூ மூலம் வெளியேற்றினார். கடைசி பந்தில் மெஹ்முதுல்லாவை வீழ்த்தி ஹாட்ரிக் விக்கெட் வீழ்த்தினார்.

    இதன்மூலம் 16 வயதில் ஹாட்ரிக் விக்கெட் வீழ்த்திய வீரர் என்ற சாதனையைப் படைத்துள்ளார். ஹாட்ரிக் உடன் 2-வது இன்னிங்சில் 4 விக்கெட் வீழ்த்தியுள்ளார். வங்காளதேசம் இன்றைய 3-வது நாள் ஆட்ட முடிவில் 6 விக்கெட் இழப்பிற்கு 126 ரன்கள் எடுத்து திணறி வருகிறது.
    Next Story
    ×