search icon
என் மலர்tooltip icon

    செய்திகள்

    தென்ஆப்பிரிக்கா பந்து வீச்சாளர்கள்
    X
    தென்ஆப்பிரிக்கா பந்து வீச்சாளர்கள்

    தென்ஆப்பிரிக்காவுக்கு ஏழு போட்டிகளில் கிடைத்தது 30 புள்ளிகள்: இதில் 6 புள்ளி பறிப்பு

    ஜோகன்னஸ்பர்க்கில் நடைபெற்ற இங்கிலாந்துக்கு எதிரான கடைசி டெஸ்டில் மெதுவாக பந்து வீசியதால் தென்ஆப்பிரிக்காவுக்கு அபராதத்துடன் 6 புள்ளிகள் பறிக்கப்பட்டது.
    சர்வதேச கிரிக்கெட் கவுன்சில் (ஐசிசி) உலக டெஸ்ட் சாம்பியன்ஷிப்பை அறிமுகம் செய்துள்ளது. இதன்கீழ் முன்னணி அணிகள் டெஸ்ட் போட்டியில் விளையாடி வருகின்றன. 2019 முதல் 2021 வரை விளையாடும் போட்டிகளை கணக்கில் கொண்டு முதல் இரண்டு இடங்களை பிடிக்கும் அணிகள் இறுதிப் போட்டியில் பலப்பரீட்சை நடத்தும்.

    தென்ஆப்பிரிக்கா - இங்கிலாந்து அணிகளுக்கு இடையில் நான்கு போட்டிகள் கொண்ட டெஸ்ட் தொடர் நடைபெற்றது. இதில் தென்ஆப்பிரிக்கா 1-3 என படுதோல்வியடைந்தது. முதல் டெஸ்ட் போட்டியில் வெற்றி பெற்றாலும் மற்ற போட்டிகளில் எந்தவித போட்டியும் இன்றி தோல்வியை ஒப்புக்கொண்டது.

    ஜோகன்னஸ்பர்க்கில் நேற்றுடன் முடிவடைந்த கடைசி போட்டியில் தென்ஆப்பிரிக்கா நிர்ணயிக்கப்பட்ட நேரத்திற்குள் மூன்று ஓவர்கள் குறைவாக வீசியது. ஐசிசி விதிப்படி ஒரு ஓவருக்கு தென்ஆப்பிரிக்கா வீரர்களுக்கு தலா 20 சதவீதம் சம்பளத்தில் இருந்து அபராதமாக பிடித்தம் செய்யப்படும். அதன்படி ஒவ்வொரு வீரர்களுக்கும் 60 சதவீதம் அபராதமாக பிடித்தம் செய்யப்பட்டுள்ளது.

    அத்துடன் ஐசிசி உலக டெஸ்ட் சாம்பியன்ஷிப்புக்கான புள்ளிகளில் ஆறு குறைக்கப்பட்டுள்ளது. தென்ஆப்பிரிக்கா இதுவரை 7 போட்டிகளில் விளையாடி ஒன்றில் மட்டுமே வெற்றி பெற்று 30 புள்ளிகள் பெற்றிருந்தது. தற்போது 6 புள்ளிகள் குறைக்கப்பட்டுள்ளதால் 24 புள்ளிகள் பெற்றுள்ளது.
    Next Story
    ×