ஆஸ்திரேலியாவின் மெல்போர்ன் நகரில் இந்த வருடத்திற்கான முதல் கிராண்ட் ஸ்லாம் தொடரான ஆஸ்திரேலிய ஓபன் டென்னிஸ் கடந்த 20-ந்தேதி தொடங்கி நடைபெற்று வருகிறது.
இன்று பெண்களுக்கான ஒற்றையர் பிரிவு ஆட்டங்கள் நடைபெற்றன. ஒரு ஆட்டத்தில் 5-ம் நிலை வீராங்கனையான எலினா சுவிட்டோலினா லாரென் டேவிஸ்-ஐ எதிர்கொண்டார். முதல் செட்டை சுவிட்டோலினா 6-2 என எளிதில் கைப்பற்றினார். ஆனால் 2-வது செட்டில் டேவிஸ் கடும் சவாலாக விளங்கினார். இதனால் ஆட்டம் டை பிரேக்கர் வரை சென்றது. இறுதியில் சுவிட்டோலினா 7(8)-6(6) என வெற்றி பெற்று 3-வது சுற்றுக்கு முன்னேறினார்.
மற்றொரு ஆட்டத்தில் 4-ம் நிலை வீராங்கனையான ருமேனியாவன் சிமோனா ஹாலெப் தரநிலை பெறாத பிரிட்டனின் ஹாரியட் டார்ட்-ஐ எதிர்கொண்டார். இதில் ஹாலெப் 6-2, 6-3 என நேர்செட் கணக்கில் வெற்றி பெற்று 3-வது சுற்றுக்கு முன்னேறினார்.
9-ம் நிலை வீராங்கனையான கிகி பெர்ட்டன்ஸ் 6-3, 7-5 என வெற்றி பெற்று 3-வது சுற்றுக்கு முன்னேறினார். ஏஞ்சலிக் கெர்பர் 6-3, 6-2 என வெற்றி பெற்றார்.
