டி20 லீக் போட்டியில் விளையாடுகிறார் டெஸ்ட் புகழ் புஜாரா

இந்திய டெஸ்ட் அணியின் முன்னணி பேட்ஸ்மேன் புஜாரா. நிதானமாக விளையாடும் சவுராஷ்டிராவைச் சேர்ந்த இவரை ஒருநாள் மற்றும் டி20 கிரிக்கெட் போட்டியில் விளையாட தேர்வுக்குழு ஆலோசிப்பதில்லை.

ஐபிஎல் தொடரில் கூட இவரை எந்த அணியும் ஏலத்தில் எடுக்கவில்லை. என்னால் அதிரடியாக விளையாட முடியும், என்னை எடுக்காதது ஏமாற்றம் அளிக்கிறது என்று ஏற்கனவே கூறியிருந்தார்.

இந்நிலையில் சவுராஷ்டிரா கிரிக்கெட் சங்கம் பிரிமீயர் லீக் தொடரை நடத்த முடிவு செய்துள்ளது. இந்த லீக்கில் ஜலாவாத் ராயல்ஸ் அணி பங்கேற்கிறது. இந்த அணி புஜாராவை எடுத்துள்ளது. இதன்மூலம் டி20 லீக்கில் புஜாரா தனது திறமையை வெளிப்படுத்த இருக்கிறார்.