தாமஸ் கோப்பை பைனல் பேட்மிண்டன் தொடரில் இந்தியா ‘ஏ’ பிரிவில் இடம்பிடித்துள்ளது. முதல் ஆட்டத்தில் இந்தியா பிரான்ஸை எதிர்கொண்டது. மொத்தம் 5 பிரிவாக ஆட்டம் நடைபெற்றது. முதல் பிரிவில் ஒற்றையருக்கான ஆட்டத்தில் பி சாய் பிரனீத் பிரான்ஸின் பிரைஸ் லெவெர்டெஸ்-ஐ எதிர்கொண்டார். இதில் சாய் ப்ரனீத் 21-7, 21-18 என நேர்செட் கணக்கில் வெற்றி பெற்றார். இதனால் இந்தியா 1-0 என முன்னிலைப் பெற்றது.
அதன்பின் நடைபெற்ற நான்கு பிரிவிலும் இந்தியா தோல்வியடைந்தது. இரட்டையர் பிரிவில் அர்ஜூன் எம் ஆர் - ராமச்சந்திரன் ஷ்லோக் 13-21, 16-21 என நேர்செட்டில் தோல்வியடைந்தனர்.
சமீர் வெர்மா 2-வது ஒற்றையர் பிரிவில் சமீர் வெர்மா 18-21, 22-20, 18-21 என கடும் போராட்டத்திற்குப் பின் லூகாஸ் கோர்வீயிடம் வீழ்ந்தார். 2-வது இரட்டையர் பிரிவில் அருண் ஜார்ஜ் - சன்யான் சுக்லா ஜோடி 10-21, 12-21 என நேர்செட் கணக்கில் வீழ்ந்தது. 3-வது ஒற்றையர் பிரிவில் லக்சயா சென் 20-22, 21-19, 19-21 என தோல்வியடைந்தார்.
