டி20 லீக் தொடரை நடத்துகிறது கனடா- ஜூன் 28-ல் தொடக்கம்

கிரிக்கெட் விளையாடும் பல்வேறு நாடுகள் டி20 லீக் தொடரை நடத்தி வருகிறது. இதில் கனடாவும் தற்போது இணைந்துள்ளது. கனடா கிரிக்கெட் சங்கம் சென்னையின் மெர்குரி குரூப் உடன் இணைந்து ‘குளோபல் டி20 கனடா’ என்ற பெயரில் லீக்கை நடத்துகிறது. இந்த தொடர் ஜூன் 28-ந்தேதியில் இருந்து ஜூலை 15-ந்தேதி வரை நடக்கிறது.

இதில 6 அணிகள் மோதுகின்றன. ஒவ்வொரு அணிகளும் தலா 6 போட்டிகளில் விளையாட வேண்டும். இதில் முதல் நான்கு இடங்களை பிடிக்கும் அணிகள் பிளேஆஃப்ஸ் சுற்றுக்கு முன்னேறும். பிளேஆஃப்ஸ் சுற்றுகள் ஐபிஎல் தொடரில் நடைபெறுவதுபோல்  நடக்கும்.