எஃப்.ஏ. கோப்பை: மிடில்ஸ்ப்ரோவை வீழ்த்தி அரையிறுதிக்கு முன்னேறியது மான்செஸ்டர் சிட்டி

இங்கிலாந்தில் உள்ள கிளப் அணிகளுக்கிடையிலான ‘கால்பந்து அசோசியேசன் சேலஞ்ச் கோப்பை’ கால்பந்து தொடர் நடைபெற்று வருகிறது. இதன் ஒரு காலிறுதிப் போட்டியில் மிடில்ஸ்ப்ரோ- மான்செஸ்டர் சிட்டி அணிகள் மோதின.

ஆட்டம் தொடங்கிய 3-வது நிமிடத்தில் மான்செஸ்டர் சிட்டி அணியின் டேவிட் சில்வா முதல் கோலை அடித்தார். கோல் கம்பத்தின் வலது பக்கம் 6 யார்டு தூரத்தில் இருந்து சபலேட்டா கொடுத்த பாஸை ரஹீம் ஸ்டெர்லிங் கோல் அடிக்க தவறினார். அந்த பந்து டேவிட் சில்வாவிடம் சென்றது. அதை சில்வா கோலாக மாற்றினார். அதன்பின் முதல் பாதி நேரத்தில் இரண்டு அணிகளும் கோல் அடிக்கவி்ல்லை.



2-வது பாதி நேரத்தில் ஆட்டத்தின் 67-வது நிமிடத்தில் செர்ஜியோ அகியூரோ ஒரு கோல் அடிக்க மான்செஸ்டர் சிட்டி 2-0 என முன்னிலைப் பெற்றது. இடது பக்கத்தில் இருந்து லெராய் சானே கொடுத்த பந்தை செர்ஜியோ கோலாக மாற்றினார். அதன்பின் இரு அணி வீரர்களாலும் ஆட்ட நேரம் முடியும்வரை கோல்கள் அடிக்க முடியவில்லை. இதனால் மான்செஸ்டர் சிட்டி அணி வெற்றி பெற்று அரையிறுதிக்கு முன்னேறியது.