ஆஸ்திரேலியா - பாகிஸ்தான் அணிகளுக்கு இடையிலான 3-வது ஒருநாள் கிரிக்கெட் போட்டி பெர்த் மைதானத்தில் நடைபெற்று வருகிறது. இதில் ஆஸ்திரேலியா முதலில் பேட்டிங் செய்து, அந்த அணி 50 ஓவர்கள் முடிவில் 7 விக்கெட் இழப்பிற்கு 263 ரன்கள் சேர்த்தது.
அந்த அணியின் 22 வயதான இளம் வீரர் பாபர் ஆசம் 100 பந்தில் 4 பவுண்டரி, 1 சிக்சருடன் 84 ரன்கள் சேர்த்தார். அவர் இந்த போட்டிக்கு முன் 20 போட்டியில் 3 சதம், 5 பவுண்டரியுடன் 953 ரன்கள் எடுத்திருந்தார். இன்றைய போட்டியில் 47 ரன்கள் எடுத்ததன் மூலம் விரைவாக 1000 ரன்கள் குவித்த வீரர் என்ற பெருமையை பெற்றார்.
இதற்கு முன் வெஸ்ட் இண்டீஸ் அணியின் ஜாம்பவான் சர் விவியன் ரிச்சர்ட்ஸ் 1980-ல் 22 போட்டியில் 21 இன்னிங்ஸ் மூலம் 1000 ரன்களை கடந்திருந்தார். அதன்பின் கெவின் பீட்டர்சன் 2006-ல் 21 இன்னிங்சில் 1000 ரன்களை கடந்திருந்தார்.
பின்னர் மற்றொரு இங்கிலாந்து வீரர் ஜோநாதன் ட்ராட் 2011-ம் ஆண்டும், தென்ஆப்பிரிக்காவின் குயிண்டான் டி காக் 2014-ம் ஆண்டும் 21 இன்னிங்சில் 1000 ரன்களை கடந்திருந்தனர். தற்போது பாபர் ஆசம் 5-வது வீரராக 1000 ரன்களை விரைவாக எடுத்துள்ளார்.
