உலக கோப்பை கிளப் கால்பந்து: ரியல் மாட்ரிட் அணி இறுதிப்போட்டிக்கு முன்னேற்றம்

யோகஹமா :

கிளப் அணிகளுக்கான உலக கோப்பை கால்பந்து போட்டி ஜப்பானில் நடந்து வருகிறது. இதில் நேற்று நடந்த 2-வது அரைஇறுதிப்போட்டியில் ரியல் மாட்ரிட் (ஸ்பெயின்)-கிளப் அமெரிக்கா அணிகள் மோதின.

இதில் ரியல் மாட்ரிட் அணி 2-0 என்ற கோல் கணக்கில் கிலப் அமெரிக்கா அணியை வீழ்த்தி இறுதிப்போட்டிக்கு முன்னேறியது. ரியல் மாட்ரிட் அணி தரப்பில் பெஞ்சிமா 45-வது நிமிடத்திலும், கிறிஸ்டியானோ ரொனால்டோ கடைசி நிமிடத்திலும் கோல் அடித்தனர்.

வருகிற 18-ந் தேதி நடைபெறும் இறுதிப்போட்டியில் ரியல் மாட்ரிட் அணி, கஷிமா அன்ட்லெர்ஸ் (ஜப்பான்) அணியை சந்திக்கிறது.