பாக். கேப்டனாக 50-வது போட்டி: கேக் வெட்டி கொண்டாடிய மிஸ்பா

பாகிஸ்தான் டெஸ்ட் அணியின் கேப்டனாக இருப்பவர் மிஸ்பா உல் ஹக். 42 வயதாகும் இவர் 68 டெஸ்ட் போட்டிகளில் விளையாடியுள்ளார். இந்நிலையில் பாகிஸ்தான் - நியூசிலாந்து அணிகளுக்கு இடையிலான முதல் டெஸ்ட் கிறிஸ்ட்சர்ச் நகரில் நேற்று தொடங்குவதாக இருந்தது.



அங்கு மழை பெய்ததால் முதல் நாள் ஆட்டம் ரத்து செய்யப்பட்டது. இந்நிலையில் இன்று 2-வது நாள் ஆட்டம் நடைபெற்றது. இது மிஸ்பாவிற்கு 69 டெஸ்ட் ஆகும். அதனுடன் இந்த டெஸ்ட் மூலம் அவர் பாகிஸ்தான் அணியின் கேப்டனாக 50 டெஸ்டில் பணியாற்றியுள்ளார். இந்த சந்தோசத்தை மிஸ்பா உல் ஹக் சக வீரர்களுடன் கேக் வெட்டி கொண்டாடினார்.



இந்த போட்டியில் டாஸ் வென்ற நியூசிலாந்து அணி பீல்டிங் தேர்வு செய்தது. முதலில் பேட்டிங் செய்த பாகிஸ்தான் அணி முதல் இன்னிங்சில் 133 ரன்னில் சுருண்டது. மிஸ்பா உல் ஹக் அதிகபட்சமாக 31 ரன்கள் சேர்த்தார்.